ليه الملوخية مش بتعمل تششششش؟ طريقة التقلية الصحيحة!

 سؤال فاجئنى واتكرر كتير بصيغ مختلفة، لكن المضمون في الآخر واحد وهو: "ليه الطشة بتاعة الملوخية بتاعتى مش بتعمل معايا صوت التششش دى ليه؟!"

 

 

أنا اقولك...

• المادة الدهنية:

  • السبب الأساسي هو إن المادة الدهنية اللي بتستعمليها في تحمير الثوم بتكون قليلة.
  • لازم الثوم يكون عايم في المادة الدهنية، مش لازق وساكع في الطاسة. 😅

• النار:

  • النار لازم تكون عالية عشان المادة الدهنية تسخن كويس.

• المكونات:

  • ممكن تضيفي سمن على زيت عشان يديلك نتيجة أفضل.
  • لما تحطي الكزبرة الناشفة على الثوم، لازم تتحمص وتشمي ريحتها وتفحفح.

• الطريقة:

  • ولما يغلوا كده ويبقلللوا بقاليل بقاليل 😁، ننزل بيهم على الملوخية، هتعمل التششششششش وننبسط كلنا. 👌🤝😁

أي خدمة، اظن مافيش شيف شرح التششش خالص قبل كده. 🙈😂