ميزة جدول التنقل

جدول التنقل

أهم الفروق بين السمك البلطي وسمك الطوبار - اياك ان تنخدع

طبعا كتير من الناس يعرفوا يفرقوا بس برضوا في ناس متعرفش وبياعين معندهمش ضمير بتبيع اي حاجه اعرفو الفرق وماتخلوش حد يضحك عليكو👇
معظم بائعين السمك والفسيخ
 بيبيعوا السمك الطوبار للناس علي إنه بوري
 - وطبعاً الطوبار أرخص في السعر بكتير عن البوري - 


والصوره حتوضح لكم الفرق الكبير بين البوري والطوبار

 

 

 

  ودا غش تجاري ويعاقب عليه القانون بالغرامة والحبس..
خدوا بالكم معاية اوي من الصورة
عشان كل الناس تعرف إن الفسيخ ده عبارة عن سمك بورى مملح .. بس للأسف معظم الفسيخ اللى الناس كلها بتاكله مش سمك بورى وحتى السمك البورى اللى الناس بتاكله مشوى أو سنجارى أو أيا كان الطريقة اللى بتاكله بيها ده أساسا مش سمك بورى ولكنه بيتباع تحت اسم سمك بورى
فالسمك اللى معظم الناس بتشترية ومتعرفش و كلها بتاكله ده اسمه طوبار .. وهى سمكة من العائلة البورية وبيكون شبه البورى جدا ولكنه مش بوري وفيه أكتر من فرق فى الشكل الخارجى بيميز بين البورى والطوبار
البورى بيكون الفم بتاعه مفلطح جدا أو عريض شبه نص القوس وشفايفه كبيرة شوية وبيكون ضهره لونه (أزرق) غامق وبيكون فيه نقطة زرقة أمام الزعنفة الجانبية وورا الخياشيم على طول وبيكون فيه غشاء دهنى على عيون السمكة شبة الجفن الرامش اللى بيغطي عين الفراخ
الطوبار بيكون الفم بتاعه مدبب أو رفيع  شوية والشفايف بتاعته رفيعة وضهره لونه اسود وفيه نقطة سودا قدام الزعنفة الجانبية بتاعته وراء الخياشيم على طول.
لو راجعتوا كده شكل السمكة اللى انتوا بتاكلوها على أساس إنها بورى حتلاقوا إنها طوبار بس البياعين بيغشوكوا وبيقول لكم  إنها بوري لانه الاسم الأشهر ولأن البوري بيكون أغلى من الطوبار وهو المطلوب في السوق .
وبرضو للأسف فيه بياعين مش بيكونوا عارفين أساسا الفرق بين البورى والطوبار
فالعائلة البورية فيها أكتر من نوع وهم: البوري والطوبار والسهلية والجرانة والدهبان، وأطعم سمكة فيهم هى السهلية بس بتكون نادرة وجودها شوية ومش موجودة غير فى مناطق معينة ..


إرسال تعليق

0 تعليقات