وصفة شرائح اللحمة استيك بالخضار وصفة سهلة و بسيطة

 ممكن تبقي باللحمة البتلو او الموزة
الطريقة::
المقادير:: (نص كيلو لحمة ستيك او موزة او انتركوت ) - خضار و دا اختياري حسب ما نحب ممكن كوسة بطاطس بصل طماطم بسلة فلفل الوان اي حاجة بنحبها نحطها لانها بتاخد طعم اللحمة و الصوص بجد تحفة و تنفع تبقي وجبة رئيسة مع رز ابيض و الخضار طبعا

 
البهارات (ملح-كمون-كزبرة-فلفل- توم و بصل بودر- بابريكا-شطة)-معلقة دبس رمان اختياري

الطريقة بقي هنتبل اللحمة بملح و فلفل اسود بس لمدة ساعتين
نقطع كل الخضار شرايح و نتبله و نحطه في صينية و ناخد شوية من البصل و الفلفل في طاسة ومعلقة زيت
نقلب شوية علي نار متوسطة لحد ما يدبلو بس و ننزل باللحمة و نقلب لمدة عشر دقايق و نجيب الصينية اللي فيها الخضار و نحط اللحمة علي الوش و نزود نص كوباية مية و نقفل عليها و تدخل الفرن نص ساعة او حسب السوا و بس كدة