#فاهيـتا في البيت مقادير على القد

#الطريقة 👩🏻‍🍳 فاهيتا دجاج 🌶🥖
صدور دجاج تقطع شرائح بطول ونتبلهم بـ علبتين زبادي بدون نكهة بصل مبشور وثوم مبشور وتوابل ملح وفلفل



 اسود وبزار وفلفل احمر حار وشوية تابل تونسي وزعتر واكليل وعصرة ليم وشوية زنجبيل ونخليها في تتبيلة في ثلاجة ساعتين بعدين نحط طاجين على النار فيه شوية زيت ونحط دجاج على نار عالية ونشوح بعدين نهدي نار ونغطيه ونخليه يطلع ميته ويطيب لين يجف آخر شي ضفت حبق 🍃
في طاجين ثاني نشوح في شوية زيت فلفل ألوان اخضر واصفر واحمر 🌶🍅وبصل لين يذبلو وبعدين نضيفهم لدجاج اللي جهزناه واخر شي نضيف معدنوس مقطع ناعم 🔥😋❤️
الفطيرة 4كوب دقيق وملعقة صغيرة ملح وماء دافئ للعجن اعجنيها رطبة وخليها ترتاح وبعدين قرصيها دوائر وخليها ترتاح ثاني ربع ساعة وطيبيها عادي على ورق زبدة 🌮 انا طيبتها في طاجين البيتزا الكهربائي وبعدين ناخد فطيرة وحطي الحشوة متع الدجاج اللي جهزناها ولفوها وحطيت جبنة مبشورة وصحتين عليكم 😍❤️
#تعديل تقدروا اضيفولها بطاطا مقلية وصوص ثومية او كاتشب ومايونيز او هريسة عربية زي ماتحبو انا كل مرة نحط حاجة فيها 😍😍🔥
.

إرسال تعليق

0 تعليقات