عشان الناس اللى عايزة كل تفاصيل عن موضوع تونجا

اياك تيجي ناحية خطوط الطيران اللى بتعمل ترانزيت فى استراليا او نيوزيلاندا لانك حتحتاج فيزا ترانزيت و صعبة جدا جدا بالنسبة للمصريين
حتحجز طيران من مصر لصين و من الصين لهونج كونج و من هونج كونج ل غينيا الجديدة و من غينيا الجديدة لجزر فيجي و من جزر فيجي لتونجا و بكده حتبعد عن الترانزيت فى نيوزيلاندا و استراليا
التاشيرة بتكون صالحة لمدة 30 يوم و بيتم تجديدها بعد الدخول حسب رغبتك ل 6 شهور
و ينفع تغير التأشيرة بتاعتك من سياحة إلي اقامة بالزواج من مواطن / مواطنة تونجي و فى الحالة ديه بتاخد الجنسية بعد سنة فى حالة ان الزواج كان من امرأه اجنبية و مواطن تونجي اما فى حال زواج مواطن اجنبي من مواطنة تونجية فالموقع الخاص بالهجرة بتاعهم مش موضح اذا كان بعد مرور سنة زي حال زواج سيدة اجنبية من رجل تونجي و لا بتسري قواعد اخري و لو بنتكلم على القواعد العامة فلو مافيش قرارات واضحة فالجنسية بتكون بمرور 3 سنوات من تاريخ الزواج من مواطنة تونجية
فى حال انك مر على اقامتك اكتر من 5 سنوات على البقاء فى تونجا فإنت مؤهل للحصول على جنسية تونجا
للملك حق اختيار عدد من الاجانب لمنحهم الجنسية فى احتفالية سنوية
الوظائف المتاحة هناك العمل فى المطاعم و الفنادق و كافة المنشأت المتعلقة بالخدمات السياحية
و بالنسبة للمشاريع الفردية فأكثرها ربحا امتلاك سفينة صيد مجهزة لصيد و تعبئة و تجميد الاسماك

Ahmed Haggagovic - أحمد حجاجوفيتش
‎Travel Lovers - عشاق السفر‎