مطعم Arigato #أكيلة_السوشي #ياباني_أصلي

طيب اني اتحرك من مصر الجديده اروح #الشيخ_زايد مخصوص دي حاجه مابتحصلش كتير ولازم يكون الموضوع فعلاً يستاهل، وبما ان الكلام علي سوشي و كمان 

All You Can Eat
يبقي الموضوع مهم ويستاهل المشوار خاصة ان الفترة الاخيرة حصل انخفاض رهيب في مستوي مطاعم السوشي الكبيرة وارتفاع رهيب في الاسعار ..

عشان كده شديت الرحال علي #Arigato خاصة ان ناس كتير قالتلي ان مستواهم اتحسن جامد والخدمة بقت اسرع كتير

أول حاجه في الموضوع الخدمة معظم الاستاف في المكان مش مصريين في شيفات يابانيين ومديرة المطعم نفسه مش مصرية يابانية شخصية ظريفة جداً وطول الوقت بتلف تتأكد الناس مبسوطة ولا ل

أ ولفت نظري كمان رغم انها مديرة المطعم وتلاقيها بتنضف وتفتح للناس الباب ووتيجي كل شوية تحطلك شاي اخضر ياباني كده طعمه هايل

المهم بقي خلينا في الأكل المكان فعلاً مستواه اتحسن جداً احسن من ما اكلت في اخر مره بكتير السوشي فريش ودي اهم حاجه ونسبة المكونات لبعض مثالية وتسوية الرز كانت مظبوطة والفرايد كان جاي سخن وكمية السلامون او الجمبري اللي فيه مبينة الطعم السوشي فعلاً كان عظيم

نزلنا كمان شوربه في الأول كانت ظريفة قوي
ونزل لكل واحد طبق appetizers كان في كنافة بالجمبري عالمية وسبرينج رولز وشوية حاجات تانية

اعظم حاجه بقي في الموضوع #السعر ال All you can eat شغال كل يوم ب ٢٥٠ جنية وعليهم خدمة وضريبة بتطلب سوشي علي قد ما تقدر تاكل انشالله تاكل ١٠٠ قطعة براحتك بس المهم انك تخلص الاكل والعرض شامل طبق ال appetizers والشوربة وبينزلك في الاخر ايس كريم بس انا ماخدتوش عشان فعلاً مكنتش قادر اتنفس.

رغم اني كنت هناك يوم خميس والدنيا زحمة لكن الخدمة كانت سريعة ده علي غير عادة مطاعم السوشي خاصة في العروض اللي زي دي

مكان #اريجاتو في الشيخ زايد في ليجندا مول فوق سيموندس وجنب سبكترا

تقييم وتصوير: إسلام سلامه

#EgyptianFoodie