ميزة جدول التنقل

جدول التنقل

ام الدنيا: تشعر ان البلد دى مفيهاش قانون وليس للمواطن اى حق

ام الدنيا:
********
يا اخى تشعر ان البلد دى مفيهاش قانون وليس للمواطن اى حق فيها,السرقات انتشرت بشكل فظيع ولا احد يتمسك,سرقه العربات ومحتواها شغال ليل نهار ولا احد يتمسك,بل الامر ان لو عندك كاميرات فيديو صورت الحرامى

واخدت الفيديو الى البوليس ليمسكوا به,يقول لك معندناش التقنيات اللى تمسكه ,مع ان عندهم طبعا.
عربيتك لاقدر الله اتسرقت يقولك استنى حيتصلوا بيك!!!
لا احد يتحرك الا لو هناك جريمه قتل او سرقه لشخصيه مهمه!!!
اعلانات العقارات شغاله ليل نهار وتحاصرك واعرف الكثير من الزملاء دفع فلوس ولم يستلم شىء واذا ذهب لمقر الشركه يجيبوا بلطجيه ويطردوه او الشركه نفسها تغير مكانها ولا من شاف ولا من درى.
من حوالى خمس سنوات كان فيه صفحه اسمها(اونست للنصب العقارى) عن ضحايا شركات العقارات النصابه وبصراحه تقرأ ماحدث للناس شعرك يشيب.
مفيش اى حمايه للمواطن تحت مقوله القانون لا يحمى المغفلين.
حتى النصب انتشر على مدى العمليات الصغيره,يعنى النصب فى الميزان من البائعين السريحه او النصب فى السعر او الجوده او المال.
انتشر النصابين فى ربوع المحروصه والكل يدعى قصه وهميه من اجل ابتزاز المواطن وهو فى الاخر متسول بس محترف .
النصابين والمتسولين ينتشروا فى الاماكن السياحيه للنصب على السياح والاساءه لسمعه مصر.
اللى عاش لفتره بره مصر يدرك تماما ان مثل هذه الممارسات لاتتم الا فى مصر والدول التى على شاكلتها.
لن احكى لكم خدمه مابعد البيع فى مصر وخارج مصر او البضائع المضروبه فى مصر وردائتها والتى تصنع تحت بير السلم.
رحمتك يارب استر علينا.

إرسال تعليق

0 تعليقات