ميزة جدول التنقل

جدول التنقل

نوبات كتم النفس breath holding spells وخصوصا فى الاطفال

حاجة من الحاجات اللى بترعب اى اب وام وخصوصا لو لسه اول طفل ليهم نوبات كتم النفس breath holding spells وخصوصا فى الاطفال من سن سنتين لاربع سنوات ودى
نوبات غريبة جدا منها نوعان النوع الاشهر مصحوب بزرقان اسمها
blue breath holding spells بتبدا ان حد يضايق الطفل فيبتدى فى نوبة عياط من 15 ل 30 ثانية وبيبقى عياط شديد بعد كدا بياخد زفير قوى وبيبقى مصحوب بعدها بتوقف التنفس وزرقان فى الشفاه مصحوبة بفقدان الوعى موقف مرعب جدا.
-خلال دقيقة على اقصى تقدير الطفل بيستعيد وعيه ويرجع عادى ممكن تلاقيه مدروخ شوية بس ماعندوش اى مشاكل.
-النوع الثانى اسمه reflex anoxic seizures ودا الطفل لونه بيبقى بهتان فيها وبتبدا ان حد يبدا يخوف الطفل او يؤلمه او يتعرض لاصابة بسيطة فى الراس ودايما الاباء بيوصفوا نفس الوصف انه بيحاول يعيط ومش قادر يطلع صوت وبعدين يتحول لونه لبهتان شديد وجسم يبقى ناشف ومخشب وعينه تبص لفوق وايده تتشنكل وتتشنج خفيف وممكن يتهز رعشات خفيفة وبتنتهى فى اقل من دقيقة وبعدها ممكن الطفل تعبان ومدروخ من النوبة دى اللى بسبب استثارة احد اعصاب المهمة اللى اسمه vagus او العصب الحائر رقم 10 فى الاعصاب اللى بيقلل ضربات القلب جدا .
-النوبات دى تستلزم زيارة طبيب للاطمئنان اللى بيطلب صورة دم لاستبعاد الانيميا.
-وبيكشف على الطفل كويس بالسماعة ولو شك فى اى شئ بيطلب رسم قلب وموجات صوتية على القلب لاستبعاد امراض القلب وخصوصا لو فيه اى اعراض مصاحبة زى زرقان فى الشفايف ونهجان مع اى مجهود او نوبات اغماء متكررة. او رسم مخ لو الطبيب شك فى صرع مع وجود تشنجات مميزة للصرع مع عض اللسان والتبول اللاارادى اثناء النوبة او تاريخ مرضى لحالة مشابهة.
-امتى اقلق منها بقى :
-لو جات فى سن صغير اقل من 6شهور.
-لو متكررة اكتر من مرة فى الاسبوع.
-لو النوبة شديدة وبتستغرق اكتر من دقيقة.
-لو الطفل بعدها فضل مضطرب او مش مركز فترة طويلة.
-لو بقت بتاثر على نمو الطفل وعلى حياة الاسرة.
-لو بالفحوصات والتحاليل اتاكدت انها نوبات كتمان نفس عادية اعمل ايه اثناء النوبة:
-لازم الطبيب يطمن اهل المريض ويفهمهم اللى بيحصل افضل.
-حط الطفل على جنبه الشمال اثناء النوبة تفاديا للشرقان .
-احمى راسه وجسمه من اى شئ ممكن يعوره .
-بلاش تفضل تهز فيه وتحركه.
-بلاش ترش عليه مياه او تحط شئ فى فمه بالعافية

إرسال تعليق

0 تعليقات