ميزة جدول التنقل

جدول التنقل

طاجن الخضار المشكل باللحم الضاني

#وصفات(عيد_الأضحى #مصرية

اكله سهله جدا في عمايلها غنيه في فيدتها وطعمها


الطريقه:
اولا بتسلقي اللحمه الضاني ممكن طبعا تستخدمي لحمه نوع تاني انتي بتفضليه بس الاكله دي بالضاني ليها طعم خاص
بتقطعي البصل وتدعكيه بالملح والفلفل الاسود بتحطيه فالطاجن
بتقطعي عليه فصين توم
بتقشري طمطمايه كبيره او اتنين صغيرين وتحطيهم بتكوني مجهزه الخضار مقطعاه صغنون البطاطس والجزر وبسله هو ده الخضار الي استخدمته مش بحب اضيف عليها فاصوليا خضرا او اي خضار تاني بتغير الطعم ممكن تحطي معاهم فلفل رومي مقطع بيدي طعم ظريف
تحطي كله على بعضه وتقلبي بايدك وتحطي معاهم اللحمه المسلوقه
بتاخدي شوربه من بتاعت اللحمه وتدوبي فيها ملعقتين صلصه ومكعب ماجي وتضفيهم على الخضار باللحمه من الافضل طبعا تكون الصلصه مغطيه تقريبا الخضار عشان لما تدخل الفرن متنشفش منك
تظبطي ملحك👌🏻
قبل متدخليها الفرن بتحطي عالوش قرنين فلفل حار مش هيخلي الاكل حامي لو سبتيه كامل وسليم بس بيدي نكهه جميله
تغطيه بالفويل او بغطي الطاجن وتدخليه في فرن ساخن على ٢٢٠-٢٣٠ كده نفس حراره تسويه البطاطس يعني
بيعد ساعه ويطلع ان شاء الله زي الفل

إرسال تعليق

0 تعليقات