برجر الدجاج المشوي للأطفال والكبار ..

المقادير:
نصف كيلو صدور دجاج مفروم
بصلة مفرومه ناعم
فص ثوم مهروس ناعم



ملح فلفل اسود
نص معلقه بودرة ثوم وبصل
رشة خفيفه خالص حبهان
نص معلقه بابريكا
رشة قرفة
رشه بسيطه كمون
رشه بهارات دجاج
معلقتين كبار شوفان مطحون او بقسماط مطحون
عشان يمسك في بعضه


الطريقه:
اخلطي كله سوا وشكلي البرجر ودخليه التلاجه نص ساعه.
جهزي طاسه او جريل مدهونه زيت خفيف واشوي عليها البرجر لحد ما يبقى لونه جميل ومش بياخد وقت على النار خمس دقايق على كل ناحيه.
واما تخلصي الكميه كلها ولعي فحمه وحطي عليها شويه زيت وحطيها جنب البرجر وغطي كويس.
سبيها متغطيه حوالي عشر دقايق.
استمتعي بطعم البرجر المشوي مع الجبنه والخس والطماطم وقطع الفلفل الحار وصوص البرجر.انا استخدمت صوص برجر من كنور هااايل جدا بصراحه.
والف هنا

إرسال تعليق

0 تعليقات