ميزة جدول التنقل

جدول التنقل

طريقة فته الكوارع #وصفات_عيد_الأضحى #مصرية

طريقة فته الكوارع #وصفات_عيد_الأضحى #مصرية

اكله مصريه شعبيه شهيره جدا،وتعبير
شوربه الكوارع والكوارع من الاكلات الشتويه الذيذه جدا الي بتدي الجسم طاقه وتدفئه ده بالاضافه لفوائدها الكتير للعظم والمفاصل، هنتعلم هنا ازاي تعملي الكوارع باحلى طعم وتطلع منها احلى والذ شوربه ولا اجدع طباخ


اهم شيء هنركز معاه فالبوست هوه الكوارع
وبقيت خطوات الفته الكل عارفها
اول حاجه هتكلم عن شراء الكوارع
الكوارع هي الاقدام الاماميه للبقره ولما تشتريها لازم تكون بيضه وريحتها حلوه ولونها وردي من جوه والبتلو بتاعت العجل الصغير افضل من الكندوز ومش بتاخد وقت فالتسويه.عند شراء الكوارع بتطلبي من الجزار يقطعها حلقات لسهوله طبخها لانها بتتباع على بعضها.
❤️خطوات عمل الكوارع:
*اشطفي الكوارع كويس وانقعيها لمده ساعتين في ميه فيها ملح وعصير ليمونه كامله وحطي معاهم قشر اليمون.
* صفي الكوارع من الميه واشطفيها حضري طاسه كبيره وحطي فيها معلقه سمنه وفص مستكه واحد وفصين حبهان وقرنفل وحمري الكوارع على كل الجهات تحميره خفيفه.لونها مش هيتغير اوي.
*تكوني محضره حله فيها ميه بتغلي وتحطي فيها الكوارع تتسلق لمده خمس دقايق .
*صفي الكوارع وكبي الميه دي مش عوزينها.
*حطي الكوارع فالحله وصبي عليها ميه مغليه لاااازم تكون مغليه وغطيها بالميه.
*شيلي اي ريم هيطلع على وش الميه.
*حطي فالميه بصله كبيره متقطعه نصين وخمس فصوص توم وطمطمايه مقطعه نصين وجزرتين مقطعين وعودين كرفس وكام عود كرات ولو مفيش حطي. اعواد خضرا بتاعت البصل الاخضر
وحبهان وقرنفل وورق لورا وفصين مستكه ورشه جوزه الطيب ومعلقه ملح كبيره
وسبيها تعيش حياتها لمده ساعه ونص لساعتين على نار متوسطه لحد ما تستوى وتبقي زبده😍
** اغرفي الشوربه في بوله كبيره واعمليلها طشه زي طشه الملوخيه(توم مفروم وكزبره مفرومه مشوحين على النار غي معلقه سمن )وحطيها على وش الشوربه
وحطي ملح وفلفل
وتقدم الكوارع والشوربه ساخنه وممكن تخلي الكوارع وتقدميها مع الفته او داخل طبق الشوربه

إرسال تعليق

0 تعليقات