الكوسة بالبشاميل رهيبه كيلو كوسه نقطعها و نشوحها فى سمنه او زبدة

كيلو كوسه نقطعها و نشوحها فى سمنه او زبدة و رشه نعناع ناشف بيخلي طعمها رهيب بجد 


و نعصج لحمه مفرومه مع البصل و التوابل ملح وفلفل اسود و بهارات و بابريكا و رشه ثوم بودر و رشه قرفه خفيفه و لما تتحمر بضيف معلقه صلصه تاخد لون حلو
البشاميل : ٥ معالق زبدة و ٥ معالق دقيق نحمر الدقيق كويس فى الزبدة و علشان ميكلكعش لازم الزبدة و الدقيق يكون دايب فيها زى السائل مش قطع كدة لما ينزل الحليب عليهم عمرها ما تكلكع


بعد ما يتحمر الدقيق نضيف ليتر حليب و انا بضيف جبنه موتزريلا معاه و ملح و رشه خفيفه جوزة الطيب ودى اختياري
الجبنه جوة البشاميل معاه مش على الوش
و نرص طبقه كوسه و اللحمه و عليها البشاميل
و بدهن الوش بسمنه حاجه بسيطه مش كتير
و مش بستخدم بيض خالص مش بحبه وبيطلع الوش محمر احلا من الى بالبيض .

إرسال تعليق

0 تعليقات