طبق ايطالي شهير جدا مفيش حد مش بيحبها دايما بنطلبها في المطاعم
انهرده بقي هنعملها فالبيت على اصولها واحلى من المطعم
👌🏻
انهرده بقي هنعملها فالبيت على اصولها واحلى من المطعم
👌🏻
الطريقه:
طبق الازانيا بيتكون من تلات طبقات
طبقه المكرونه نفسها (شرايح الازانيا)
والطبقه التانيه وهي البشاميل
والطبقه التالته صوص باللحمه المفرومه والمشروم
بالاضافه الي خليط من جبن مبشوره
اولا انا مش بسلق الازانيا وباستخدمها مباشره من العلبه ومع اتباع الخطوات الصحيحه هنحصل على لازانيا طريه جدا وجوسي
😍طبقه البشاميل
بعمل فيها بشاميل عادي جدا ولكن خفيف اخف من البشاميل المستخدم في النجرسكو واطباق المكرونه اللخري بالبشاميل
بحط في اناء على النار معلقتين كبار زبده وبحمر فيها خمس ملاعق دقيق كبار واصب عليهم لتر حليب واستمر فالتقليب السريع حتى تختفي جميع التكتلات وبحط عليه ملح وفلفل ابيض لو متوافر وبخط عليه رشه جوزه الطيب باطراف الاصابع
واستمر فالتحريك بالمضرب الشبكي واول ما احس ان القوام بدا يتقل بطفي النار تماما لان انا محتاجه البشاميل يكون خفيف فهوه ده الاساس الي يستخدم لتسويه الازانيا.
نجي دلوقت لصوص الطماطم باللحمه المفرومه والمشروم:
في حله على النار نحط سمنه او زبده ونشوح فيها بصله متوسطه واول ما البصله تصفر نحط اللحمه المفرومه ونستمر فالتقليب حتى يختفي اللون الاحمر تماما ونحط عليها ملح وفلفل اسود ورشه قرفه ورشه بهارات وماجي وبعد ماللحمه تستوي احط المشروم وافضل انه يكون طازج مش معلب ومقطع شرايح ونشوحه مع البصله واللحمه
نضيف عليهم عصير اتنين طماطم معصوره في الخلاط وعليهم معلقه صلصه ونضيف عليها رشه اوريجانو لاعطاء نكهه مميزه ودي اختياري نخليها تغلي غلوتين فقط ونطفي عليها
الصوص المفروض فالمرحله دي يكون يحتوي على سائل مش ناشف ولو كان ناشف ضيفي قليل من الماء
دلوقي كل الحاجه عندنا جهزه
في البايركس او الصنيه حطي في قاع الصنيه طبقه خفيفه من البشاميا والحبنه وصوص اللحمه وابدئي رصي الشرائح وعليها طبقه اخرى من البساميل والصوص والحبنه ثم طبقه شرائح وهكذا بحيث تكون اخر طبقه بشاميل وجبنه
وتقريبا للحصول على لازانيا ممتازه نستخدم من تلات لاربع طبقات فقط من شرايح الازانيا لاننا بين الطبقات يجب استخدام طبقه وفيره من البشاميل والصوص لان ده الي هيساعد على تسويتها
نغطيها بورق الفويل وندخلها فرن من ١٨٠ الي ٢٠٠ لمده ٤٠ دقيقه
ثم نحرجها ونتاكد من انها اتسوت ونشيل الغطا عشان تاخد لون جميل
نصيحه قطعي الازانيا بعد ما تبرد شويه عشان تحصلي على قطع شكلها جميل
والف هنا
❤️
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..