شيش كباب الدجاج(كفته الدجاج)

من اجمل وصفات كفته الدجاج والذها،تعمليها في وجبه الغدا او العشا هيحبوها جدا ولادك وكل افراد اسرتك .

مناسبه جدا لعملها في حفلات الشواء والرحلات والمناسبات الجميله لما تحمله من طعم مميز😍

المقادير:
نص كيلو دجاج فيليه شرايح رفيعه.
معلقه ماسترده صغيره.
ملعقه كبيره زبادي.
بصله صغيره هنفرمها ونعصرها جيدا وناخد تفلها فقط مش الماء.
٢ ملعقه كبيره دقيق ذره اصفر وممكن استبداله بالنشا.(انا بستخدم دقيق ذره).
ملعقه كبيره سمنه سايحه.
٣ عروق بقدونس مفرومين.
ملح وفلفل اسود
ملعقه صغيره بابريكا
ملعقه صغيره كزبره مطحونه
رشه حبهان
رشه جوزه الطيب
رشه توم وبصل بودر
رشه كمون
لعمل صوص تلميع الكفته:
هناخد الميه الي طلعت من البصله ونحط عليها ملعقه كبيره صوص باربكيو وملعقه كبيره زيت وملعقه صغيره خل وملح وفلفل اسود وبابريكا ونقلبهم كلهم.
الطريقه:
نطحن ونفرم الفراخ كويس في الكبه وبعد كده نحط عليها تفل البصل وجميع التوابل ونخلطها كويس سوا.
نخط عليهم الزبادي والمسترده والسمنه والبقدونس ونقلبهم.
نضربها تاني في الكبه حتى تتجانس تماما.
ناخدها بعد الطحن ونحط عليها الدقيق ونعجنها سوا عشان تمسك نفسها وخلي ايدك مبلله بالزيت دائما لسهوله عجنها.
نحطها فالتلاجه لمده ساعه او زي ما تحبي حتى لو لتاني يوم.
نشكلها اصابع ونحطها في الاسياخ الخشبيه.
خلي دايما ايدك مببله بالزيت لسهوله التشكيل.
هنسخن الطاسه على البوتجاز ونرص عليها اسياخ الكفته
ونقلبها على جميع الجهات عشان تاخد صدمه وونبدا بتلميعها بصوص التلميع باستخدام الفرشاه حتى تنضج تماما.
بعد انتهاء الكميه نولع فحمه ونحطها جنب الكفته ونضع عليها قطرات زيت ونغطيها جيدا للحصول على طعم شواء رائع ومميز

إرسال تعليق

0 تعليقات