ييجي أبوه يتخانق مع الدكاترة و يدخل لمدير المستشفي و يقوله مين هايربي الواد ؟؟!!

عيانة حامل جت الاستقبال arrested .. اشتغلنا فورا CPR .. دكاترة النسا كانوا رافضين يفتحوا العيانة .. احنا أصرينا علي فتح قيصرية فورا ..

دكاترة النسا أذعنوا لقرارنا .. فتحوا العيانة بسرعة .. البيبي نزل arrested .. دكاترة الاطفال اشتغلوا عليه .. قلبه رجع يدق تاني و والدته توفت الي رحمة الله .. دخل الحضانة و خرج منها الحمد لله ذكر سليم معافي .. ييجي أبوه يتخانق مع الدكاترة و يدخل لمدير المستشفي و يقوله مين هايربي الواد ؟؟!! يعني فيما معناه انتوا انقذتوه ليه !! بيحاسبهم انهم أنقذوا روح بريئة .. المدير طرده من مكتبه و التمريض اتلموا عليه و ضربوه بالشباشب و اتسابقوا مين ياخد الولد يربيه ؟؟!! نسي أن الله هو من يوزع الارزاق و هو اللي كتب القضاء و القدر .. بتتجوزا ليه و بتخلفوا ليه لما انتوا مش مقدرين المسئولية و عايزين ترموها علي أي حد .. زمان الباشا هايروح يتجوز واحدة تانية و ينسي اللي ماتت و يرمي ابنها اليتيم .. دكاترة النسا قالوا علشان تعرفوا كان عندنا حق لما رفضنا .. حسبي الله و نعم الوكيل .. انا محبط جدا رغم اني كنت سعيد بنجاة الطفل .. مش عارف ازاي هايعيش مع أب كان بيتمني موته في يوم من الايام !!!

المصدر :: اطباء