نصيحة مهمة جداً للناس اللي لسه هتقدم في الزمالة

= محدش يقدم في الزمالة إلا و هو ناوي يستلمها و يكمل فيها .. لأن لو اتقبلت و بعدين مستلمتش هتتحرم من الدراسات العليا كلها لمدة سنتين .. و نفس الوضع لو إستلمت و بعدين لغيتها بردو هتتحرم من الدراسات العليا كلها لمدة سنتين +
هتفع 500 جنيه عن كل شهر قضيته .. و بيحسبوها بالأيام كمان كسور من الشهر
= كل دفعة بيتقدم للزمالة آلاف بدون مبالغة و بعد النتيجة ما تظهر نفاجئ بناس كتير بتسأل عن الإلغاء .. بعد ما يكون خد فرصة و حرم غيره منها
= متكتبش رغبة (محافظة) إلا و انت مستعد تروحها فعلا لأن مفيش تعديل في النتيجة نهائي و مفيش نقل بين المحافظات إلا بعد سنة من الإستلام
= المحافظات المظللة هي المتاحة فقط .. خلي باك كويس
= من حقك تكتب رغبة واحدة او اتنين .. لغاية 5 .. يعني مش شرط تملي ال 5 رغبات
= الي هيقدم زمالة سبشيال باطنة و داخل بالكالوريوس هياخد اول سنيتن باطنة و هيتوزع حسب مستشفيات الباطنة المتاحة و بالتالي يكتب رغباته حسب المحافظات المتاحة في الباطنة و ميبصش دلوقتي على التخصص خالص .. علشان الباطنة متاحة في معظم المحافظات بينما التخصصات لا ..
= لما تتقبل ان شاء الله و هتستلم .. إسأل كويس أوي عن المستشفيات المتاحة جوه كل محافظة و دي هتعرفها من زمايلك اللي سبقوك و متعتمدش على موقع الزمالة لأن قايمة المستشفيات فيه قديمة من سنين
= شوف نظام المستشفيات في الحضور و الشغل و حاول تحدد اللي بيناسبك لأنك لو أستلمت في مكان مش هتقدر تنقل جوه المحافظة غير بعد 6 شهور من الإستلام
= اللي مسجل ماستر أو دكتوراه بلاش يقدم و دي نصيحة لوجه الله لأن الموضوع فيه تشديد جامد جداً الفترة دي و في ناس تم فصلهم من الزمالة للسبب على الرغم انهم كانو دخلو الإمتحان النهائي للزمالة و ده لم يشفع لهم .. و ضيعو السنين اللي قضوها و كمان دفعو فلوس الشهور دي كلها كغرامة للإخلال بأحد الشروط اللي ماضيين عليها
= إقرو ملف الشروط كلمة كلمة و التعهد اللي هتمضو عليه كذلك .. علشان تفهمو الدنيا و ميحصلش حاجة بعد كده مش ممعمول حسابها
= أي حد داخل زمالة باطنة عامة أو أسبشيال و هيبدا بتدريب الباطنة لازم يشترك في جروب زمالة الباطنة العامة هيلاقي فيه كل اللي يحتاجه
منقول من صفحة البورد المصري