الأخبار

بعض النصائح المجربة لمن يرغب فى دخول إمتحان IELTS

IELTS
أولاً: للحصول على المعلومات الأساسية عن إمتحان أيلتس أدخل على الأسئلة الشائعة من موقع أيلتس الرسمى 


http://www.ielts.org/test_takers_info…/test_takers_faqs.aspx
أو شوف فيديو زى كده https://www.youtube.com/watch?v=Lcp8h9AT-Jg

ثانياً: فيه حاجات كتير ممكن تكون مفيدة وتحسن مستواك فى اللغة الإنجليزية وتؤهلك للحصول على درجات أعلى فى الإمتحان، لكن مفيش حاجة ممكن تكون مفيدة أكتر من إنك تحل إمتحانات كتير، ومن بين كتب الإمتحانات الكتير اللى ممكن تلاقيها سواء على النت أو فى السوق هات من الآخر وخليك فى سلسلة كتب “Cambridge Practice Tests for IELTS” بس أنت تخلصها، هى سلسلة من 10 كتب، كل واحد فيه تقريباً 4 امتحانات، إبدأ فيها من الآخر لأن 10 هو الأحدث والأقرب إلى طبيعة الامتحان الحالى، لكن أعتقد كلهم ماشيين على نفس النسق وينفعوا للتدريب على الامتحان وأحياناً بتلاقى الأقدم أصعب شوية بس كويس علشان لما تدخل الامتحان الفعلى تحس إنه سهل.
لتحميل الكتاب رقم 10 من الرابط http://ieltsmaterial.com/cambridge-ielts-10-pdf-audio/
لتحميل بقية السلسلة من 9 إلى 1 من الرابط http://ieltsmaterial.com/cambridge-practice-tests-ielts-se…/

ثالثاً: مهم إنك تعرف إن أغلب اللى لغتهم الأصلية هى الإنجليزية لو دخلوا الامتحان علطول من غير إعداد ممكن يجيبوا فيه درجات سيئة وده لأنه مش مجرد قياس لمستوى اللغة لكنه زى أى إمتحان ليه طريقة ومحتاج تدريب على الطريقة دية وفيه نصائح بتكون مفيدة جداً فى إنك تعرف تجيب درجات أعلى. الموضوع ده فيه فيديوهات وكتب كتير جداً بعضها بمئات الصفحات، لكن فعليا مش محتاج تضيع وقت كبير فى القصة دية علشان تركز فى حل امتحانات كتير يكفيك المصدرين المختصرين دول:
أصغر كتاب ممكن تقراه فى الموضوع ده هو “Ace the IELTS” تقدر تحمله من الرابط ده http://files.books.elebda3.net/elebda3.net-gh-248.pdf
حلقات حوارية مع ناس دخلوا الامتحان من دول مختلفة وجابو فيه درجات عالية ونصائحهم ليك، ده أنا حملته وحولته mp3 وبقيت اسمعه فى العربية وهتلاقى فيه نصائح كتير بتتكرر من ناس مختلفة https://www.youtube.com/watch…

رابعاً: الامتحان كما هو معروف 4 أقسام: (القراءة) و(السماع) ودول بتقدر تعتمد على الإجابة النموذجية فى تصحيحهم ومعرفة درجتك، أما بالنسبة لقسم (الكتابة) أوقات بتلاقى إجابة نموذجية لكنها مش بتخليك تقدر تقيم إجابتك، وعلشان كده فيه مواقع كتير بتقدم خدمة تصحيح جزء الكتابة فقط بمقابل، أفضلها من حيث السعر وجودة معقولة هو اللينك ده http://www.ielts-blog.com/check-your-ielts-writing/ الباقة اللى بتصححلك 8 موضوعات كتابة (رسالة أو مقال) مقابل 23 دولار هى الأكثر توفيراً، فيه مواقع تانية ممكن جودتها أعلى بس برضو أغلى فى السعر
خامساً: يتبقى قسم (التحدث) لكى تتدرب على التحدث سواء مع أصدقاء تختارهم مجاناً إذا اتفقتم على ذلك أو مع مدرسين بمقابل مادى فأفضل موقع هو http://www.italki.com الموقع ده تقدر من عليه تستأجر المدرس اللى تختاره بالساعة وفيه الأسعار تتفاوت من 5 إلى 35 دولار للساعة الواحدة، نصيحتى بلاش المدرسين اللى أقل من 10 دولار للساعة لأن فى الأغلب مش هايكون الإنجليزية لغتهم الأصلية ومش هايكون مستواهم كويس، وبلاش الأسعار المبالغ فيها، يعنى فوق 25 دولار برضو، شوف التقييمات واختار اللى يكون تقييمه مرتفع ويكون فى نفس الوقت درس حصص أيلتس كتير قبل كده (كل مدرس على صفحته هو درس كام حصة من كل نوع من الحصص اللى هو بيدرسها) ويكون مواعيده المتاحة مناسبة لمواعيدك. المدرسين فى أثناء الحصة ممكن يمشوا معاك بدماغهم أو بدماغك لو أنت عندك خطة معينة، وممكن يصححوا ليك الكتابة برضو بس هايكون أغلى من الخدمة اللى كلمتك عليها فوق بس ممكن تعمل ده مرتين ثلاثة بالكتير علشان يكون عندك فرصة أفضل للحوار حول أخطائك فى الكتابة وكيفية تحسينها. حاول تاخد مع أكتر من مدرس وتشوف هاتستريح مع مين أكتر، وعلشان كمان تاخد رأيهم فى مستوى إجاباتك فتبقى متطمن أكتر لحكم أكتر من شخص لأن الموضوع تقريبى ومش دقيق يعنى أوى. وممكن كمان تاخد رأيهم فى المدة اللى انت متحاجها علشان تجيب درجات معينة بعد ما يعرفوا مستواك الحالى وعدد الساعات المطلوبة كل أسبوع لإنجاز المهمة.
سادساً: كتب الامتحانات اللى قلتلك عليها فوق يفضل تقتصر منها على (القراءة) و(السماع) أما مواضيع (التحدث) و (الكتابة) يفضل تاخدها طازة من ناس دخلت الامتحان حديثاً وكتبوا إيه المواضيع اللى جاتلهم وده تقدر تعرفه من اللينك ده مرتبين من الأحدث إلى الأقدم http://www.ielts-blog.com/category/recent-ielts-exams/
سابعاً: من الحاجات اللى هتحتاجها كتير وانت بتذاكر القوميس، ممكن تستخدم ترجمة جوجل سواء من الكمبيوتر أو من الموبايل، ونسخة الموبايل فيها حاجة ظريفة إنك ممكن تشغل الكاميرا وتحطها على الكلمة الإنجليزية من غير تصوير تطلعلك الترجمة العربية ليها، ومن القواميس الأنجليزية الأونلاين الأفضل هو قاموس كامبريدج فى اللينك ده http://dictionary.cambridge.org/
ثامناً: طيب لو عايز تقوى حصيلتك اللغوية من الكلمات، ده ما يكونش بشكل عام لأن فيه كلمات معينة أهم من غيرها بالنسبة لامتحان أيلتس، ودية ممكن تعرفها وتتدرب عليها من كتاب “Cambridge English Vocabulary for IELTS” من اللينك ده http://bbc.edu.vn/…/-Ebook-tu-vung-tieng-Anh-Cambridge-voca…
تاسعاً: طيب لو عايز تقوى مهارة (السماع) عندك الموقع ده عليه عدد لانهائى من البودكاستس mp3 مجاناً تقدر تحمل من عليه شوية تسمعهم وبعدين تشوف اللى بعدهم وهكذا، ميزته إنه مسلى جداً وتعليمى فبيشرح الكلمات الصعبة بالانجليزي وبيديك نصائح أحياناً فيما يخص امتحان أيلتس برضو أو بيكلمك عن الفروق بين الإنجليزي اللى فى الكتب واللى فى الحياة الفعلية http://allearsenglish.com ولو مستواك أحسن شوية أو ما عجبكش الموقع ده فالأحسن تدخل على موقع http://www.ted.com/topics وهنا هتلاقى عدد ضخم من محاضرات الفيديو مقسم حسب المواضيع ويمكن إظهار نص الحديث سواء باللغة العربية أو الأنجليزية أو بدون وتقدر تحمل أى فيديو مع نص اللغة اللى تختارها أو بدون، بس حاول تخليك فى المتحدثين اللى لغتهم الأصلية الإنجليزية وده هاتقدر غالبا تعرفه من طريقة كلامهم أو شكلهم أو الموضوع اللى بيتكلموا فيه، وممكن برضوا تتابع حاجة لايف زى إذاعة CBC Canada على النت أو على الموبايل تحمل البرنامج من بلاى ستور أو تشوف الأخبار الأنجليزية فى التلفزيون، وممكن برضوا تجرب لو حبيت تسمع Audio books خاصة الروايات.
عاشراً: طيب لو عايز تنمى مهارة القراءة فى المواضيع المرتبطة بالحياة أفضل حاجة إنك تتابع موقع إخبارى أجنبى زى bbc أو CBC Canada لأنه بيجيبك أخبار عن المواضيع اللى ممكن تجيلك فى الامتحان زى البيئة والدراسة والأفلام والترفيه والجريمة والإرهاب والرياضة وغيرها
مصادر أخرى:
أفضل قناة على يويتوب لتعليم الإنجليزية وفيها سلاسل كاملة من الدروس لعدد ضخم من المدرسين https://www.youtube.com/user/engvidenglish/channels

كورس أيلتس كامل فيديو على يوتيوب بس ممكن يكون رتمه بطئ وممل شوية للى مش مستعجل https://www.youtube.com/watch…
باستخدام كلمات البحث الموجودة فى اللينك ده يوتيوب هايجيبلك نماذج محاكاة لامتحان التحدث ويقولك فى حالات كتير الممتحن ده يستحق درجة كام بإجابته دية https://www.youtube.com/results…

cambridge vocabulary for Ielts:
http://bbc.edu.vn/.../-Ebook-tu-vung-tieng-Anh-Cambridge...


 

إرسال تعليق

0 تعليقات

مفضلتي

معدل الحفظ: 0%