التسجيل في جامعة الازهر الموقع الالكتروني الرسمي دراسات عليا

#بوست عشان التوهان
الساده الاطباء اللى هيسجلوا فى جامعه الازهر تحت اى درجه علميه التسجيل بيكون على موقع 

http://medb.azhar.live/
بتدخل على يسار الصفحه تسجل فى اى فرع عايز تسجل فيه قاهره .اسيوط.دمياط
وهتختار قايمه من التلاته دول كل قايمه فيها

1.تسجيل جديد طلب التحاق يعنى لسه هتسجل وده معناه انك هتدخل تسجل بيانتك كلها
2.تسجيل دخول طالب مستجد وده معناه انك سجلت على الموقع و بعتلك باسورد على ايميل ياهو بتاعك تدخل بيه بس لسه مارفعتش ورقك وهتدخل ترفع بيانتك
3.تسجيل طالب حالى يعنى بالبلدى انت طالب قديم ومقدم من زمان وداخل عشان امتحانات فاينال او اى جزء فاضلك
. ملحوظات التسجيل
ايميل الياهو لازم يكون شغال وفاتحه فى صفحه جانبيه عشان الموقع لما يبعتلك الباسورد تفتح الرسايل ع الياهو وتحفظ الباسورد فى ورقه او اسكرين شوت واوعى تروح منك
بعد التسجيل مش هيجيلك اى اشاره انك سجلت وده غباء الكترونى من الموقع ملناش دعوه بيه انت هتابع الرساله على ايميلك والرساله عباره عن لينك
دخول وباسورد هتدخل عليهم هيكون الموقع ده http://medb.azharlink.com
وتخلى المتصفح يحفظ كلمه السر وايميل الدخول عشان ماتتعبش بعد كده فى دخول الموقع
يفضل تعمل للصفحه دى بوك مارك عشان ماتوهش منك وتعرف ترجعلها بعد كده
لما تدخل على الموقع بباسورد اللى بعتهالك هيظهرلك رساله ترحيب باسمك وده معناه انك سجلت هتدخل على خانه لوحه التحكم وترفع ملفاتك
فيه مصطلحات غربيه...شهادات السنوات دراسيه ...يعنى بيان درجات ومحدش يقولى بالدرجات ولا بالتقدير عشان احنا دكاتره ومخنا كبير اوى...هيا اسمها كده وبتطلب كده وزى مايدهالك فى جامعتك تقدمها وعلى فكره هيا موحده فبلاش الاسئله الفتاكه اللى هتستهلك من وقتك ووقت الموظف اللى قدامك
موافقه جهه العمل ...يعنى الجهه اللى سيادتك بتقبض منها مستشفى يبقى مستشفى
مستشفى فى هيئه يبقى المستشفى او الهئيه نفسها فى القاهره مستشفى امانه يبقى المستشفى او الامانه نفسها فى القاهره وخليك حسيس لما حد يرز عليك تطلع ع المستوى الاعلى ده حقك ودراستك مفيش قانون فى الدنيا يمنع انك تسجل او تقدم طالما ماجمعتش بين حاجتين
قرار نقل التكليف لو حضرتك اتنقلت ا او غيرت تكليفك
انهاء الخدمه من الوزاره ده لو طبيب مستقيل او حر
رفع الملفات يااما بتصوير بموايل كاميرته حلوه او سكانركمبيوتر
الحساب البنكى فى فرع من فروع البنك الاهلى بتقولi انا عايز اسدد 220 جنيه فى حساب رابطه خريجى الازهراسم الحساب : الرابطة العالمية لخريجى الأزهر – التعليم عن بعد
رقم الحساب : 01001003322
المسجل بفرع البنك الأهلي بجامعة الأزهر بمدينة نصر القاهرة.
هتاخد وصل تاخد سكانر او تصوره وترفع فى خانته على الموقع
فيه تلات حسابات للجامعه ..مش عارف ده غباء الكترونى ولا قاصدين يتوهونا اولهم http://medb.azhar.live/
وده بتسجل فيه عادى http://medb.alazhar.edu.eg/
وده موقع الكليه وده يبتسجل فيه ايضا http://medb.azharlink.com
ده اهم لينك وده اللى بيوصلك على ايميلك بباسورد وده اللى بتدخل منه وبترفع عليه وتعمل كل حاجه منه
انا عارف انكم تايهين وانا نفسى توهت وسافرت مرتين للقاهره عشان الموقع ده وفعلا الموقع محتاج احترافيه شويه عن كده وتوحيد للمواقع وتبسيط عن كده لكن دى مش مشكلتنا ده مشكله بلد ملناش دعوه بيها وفى الاخر ده كل اللى حصل معايا وكل اللى اقدر افيدكم بيه انا سجلت ورفع بياناتى وده اللى حصل معايا
اسف للاطاله ...وسامحونى لو تاخرت فى الرد على االتعليقات

أمير الابتسامه

‎