(الكلام مش حكاية عن أحد.... الكلام عن تجربة شخصية آخرهم كان قبل العيد بيوم واحد
اتعرضت للثلاث الأولى والحمد لله كانت آخرهم ستر من ربنا ونجاة من الموت.... والرابعة أكثر من صديق تعرض لها )
وهدفي من المنشور ده مجرد تحذير لأي شخص جديد في اسطنبول لعل ربنا يجعل كلامي سبب نجاة وحفظ له.
حالات السرقة أنا أتأكدت بعد تكررها بنفس الطريقة معي ومع زملائي في العمل ومع أصدقاء=أنها من عصابات منظمة بتستهدف الأجانب خاصة؛
لأنهم بيبقوا عارفين أن الأجنبي غالبا بيجي من بلده ومعه فلوس لزوم السفر وخلافه وثانيا أنهم عارفين انه مش هيعرف يشتكي ولا ياخد حقه زي ابن البلد ودي حقيقة 100%
السرقات دي منتشرة في مناطق مختلفة من اسطنبول لكن تجربتي وتجربة زملائي وأصدقائي اكثرها في مناطق
أماكن متفرقة من شارع فوزي باشا بالفاتح... أكسراي .... شاهزاده...... السلطان أحمد......لالالي.... توب كابي .. زيتن بورنو ... باشاك شهير ... افجيلار
مرة تانية كلامي أكتبه لوجه الله بعيدا عن الإحباط والطاقة السلبية والناس بتاع أنتو مش عايزنا نيجي تركيا إلى آخر الأسطوانة دي ...... البلد موجودة واللي عايز يجي أهلا وسهلا يشرف ويآنس... بس يخلي باله من اللي هأكتبه ده وربنا يحفظنا جميعا
الطريقة الأولى
1_ سرقة البيت:
عن طريق فتح الباب بقطعة صفيحة معدنية تشبه الكارت لو أنت مش قافل الباب بتكات المفتاح، الخرامي بيفتح باب الشقة في أقل من ثانيتين ..... وده بيكون سواء لما تخرج من الشقة تروح تقضي مصالحك او بالليل متأخر أو الصبح باكر وأنت نايم داخل الشقة!!!
فالحل أنك تجيب كالون للباب كويس ولما تنزل من البيت أو لما تيجي تنام تقفل بالتكات ولو باب شقتك تعبان ما تسبش أي فلوس أو شيء له قيمة في البيت لما تنزل.
والافضل لما تأجر شقة ما تأجرش في الدور الأرضي او الأول
2-الطريقة التانية:
السرقة من عربية الأطفال الرضع
عن طريق واحدة ست تقف أمام عربية الطفل وتمثل أنها بتلاعبه وتكلمه وتكلم الأم كأنها بتقولها ان في شيء في الطفل او في العربية من قدام
طبعا الأم أو الأب بيتخض وبيترك العربية ويطلع قدام يشوف في ايه ..... في الوقت ده بتكون واحدة تانية ومعها عيلة في حدود7 او 8 سنين بياخدوا شنطة الأم المعلقة على ذراع العربية او اللي محطوطة في السلة اللي أسفل العربية.
للأمهات خاصة ....... لو معك طفل في عربية بلاش تحطي الشنطة في السلة السفلية للعربية أو تعلقيها على ذراع العربية ..... علقيها على كتفك والافضل بلاش تمشي بفلوس كتير او جواز سفرك في الشنطة
3_الطريقة التالتة: (ودي الأخطر)
لو واحد بيفك فلوس من صرافة او أخد فلوس من بنك في مجموعة بتبقى مراقبة بيحط الفلوس في اي جيب وتمشي وراءه لغاية ما يطلع على رصيف ضيق او يوصل مكان هادي شوية ..... فجأة يلاقي مجموعة رجال وقفوا قدامه وبيعترضوه بظهورهم علشان يمنعوه من المشي وفي لحظة واحدة
واحد من وراء يخبطه على دماغه
وفي النفس اللحظة واحد تاني بيحط ايده في جيبه من الخلف ويشد الفلوس في جزء من الثانية او يشد الشنطة اللي فيها الفلوس لو حط الفلوس في شنطة
و في نفس اللحظة واحد تالت بيزقه بقوة لبعيد
وفي ثانية....... كلهم يمشوا ويختفوا من حولك .... وأنت مش عارف مين ضربك ومن زقك ومن خد فلوسك وبتكون
طبعا تايه وضايع في اللي حصل
عقبال لما تقوم وتجمع اعصابك بيكونوا فص ملح وذاب !!!
فالافضل انك لما تمشي بفلوس او تاخد فلوس من صرافة او بنك تكون لابس جاكت وتحط الفلوس في الجيب الداخلي للجاكت وتقفل الجاكت وما تروحش لوحدك.... خد صديق او اتنين معك.
والاهم من كده بلاش تغير فلوس من صرافات اكسراي ويوسف باشا ومحطة( لالالي )لأن غالبا العصابة اللي بتسرق بالطريقة دي مراقبين الصرفات هناك او شغالين معهم والله اعلم
(أنا وقبلي بسنة صديق اتسرقنا من نفس المكان وبنفس الطريقة)
4_الطريقة الرابعة:
نشل المحفظة أو التليفون من محطة الترماي خاصة في المحطات الزحمة
اتنين بيشغلوك من قدام ويلزقوا فيك وواحد بيشد المحفظة أو التليفون من الجيب الخلفي او من الجيب الجانبي لجاكت البدلة...... وصديق قبل أيام نشلوا محفظته من الجيب الأمامي للبنطلون!!
تجاربي مع حالات السرقة وتجارب أصدقائي دي كانت متفاوته في الوقت؛ منها الظهر ومنها المغرب ومنها بالليل
فياريت الناس تخلي بالها وربنا يحفظنا ويسترنا وإياكم...
الكاتب مؤمن صلاح
اتعرضت للثلاث الأولى والحمد لله كانت آخرهم ستر من ربنا ونجاة من الموت.... والرابعة أكثر من صديق تعرض لها )
وهدفي من المنشور ده مجرد تحذير لأي شخص جديد في اسطنبول لعل ربنا يجعل كلامي سبب نجاة وحفظ له.
حالات السرقة أنا أتأكدت بعد تكررها بنفس الطريقة معي ومع زملائي في العمل ومع أصدقاء=أنها من عصابات منظمة بتستهدف الأجانب خاصة؛
لأنهم بيبقوا عارفين أن الأجنبي غالبا بيجي من بلده ومعه فلوس لزوم السفر وخلافه وثانيا أنهم عارفين انه مش هيعرف يشتكي ولا ياخد حقه زي ابن البلد ودي حقيقة 100%
السرقات دي منتشرة في مناطق مختلفة من اسطنبول لكن تجربتي وتجربة زملائي وأصدقائي اكثرها في مناطق
أماكن متفرقة من شارع فوزي باشا بالفاتح... أكسراي .... شاهزاده...... السلطان أحمد......لالالي.... توب كابي .. زيتن بورنو ... باشاك شهير ... افجيلار
مرة تانية كلامي أكتبه لوجه الله بعيدا عن الإحباط والطاقة السلبية والناس بتاع أنتو مش عايزنا نيجي تركيا إلى آخر الأسطوانة دي ...... البلد موجودة واللي عايز يجي أهلا وسهلا يشرف ويآنس... بس يخلي باله من اللي هأكتبه ده وربنا يحفظنا جميعا
الطريقة الأولى
1_ سرقة البيت:
عن طريق فتح الباب بقطعة صفيحة معدنية تشبه الكارت لو أنت مش قافل الباب بتكات المفتاح، الخرامي بيفتح باب الشقة في أقل من ثانيتين ..... وده بيكون سواء لما تخرج من الشقة تروح تقضي مصالحك او بالليل متأخر أو الصبح باكر وأنت نايم داخل الشقة!!!
فالحل أنك تجيب كالون للباب كويس ولما تنزل من البيت أو لما تيجي تنام تقفل بالتكات ولو باب شقتك تعبان ما تسبش أي فلوس أو شيء له قيمة في البيت لما تنزل.
والافضل لما تأجر شقة ما تأجرش في الدور الأرضي او الأول
2-الطريقة التانية:
السرقة من عربية الأطفال الرضع
عن طريق واحدة ست تقف أمام عربية الطفل وتمثل أنها بتلاعبه وتكلمه وتكلم الأم كأنها بتقولها ان في شيء في الطفل او في العربية من قدام
طبعا الأم أو الأب بيتخض وبيترك العربية ويطلع قدام يشوف في ايه ..... في الوقت ده بتكون واحدة تانية ومعها عيلة في حدود7 او 8 سنين بياخدوا شنطة الأم المعلقة على ذراع العربية او اللي محطوطة في السلة اللي أسفل العربية.
للأمهات خاصة ....... لو معك طفل في عربية بلاش تحطي الشنطة في السلة السفلية للعربية أو تعلقيها على ذراع العربية ..... علقيها على كتفك والافضل بلاش تمشي بفلوس كتير او جواز سفرك في الشنطة
3_الطريقة التالتة: (ودي الأخطر)
لو واحد بيفك فلوس من صرافة او أخد فلوس من بنك في مجموعة بتبقى مراقبة بيحط الفلوس في اي جيب وتمشي وراءه لغاية ما يطلع على رصيف ضيق او يوصل مكان هادي شوية ..... فجأة يلاقي مجموعة رجال وقفوا قدامه وبيعترضوه بظهورهم علشان يمنعوه من المشي وفي لحظة واحدة
واحد من وراء يخبطه على دماغه
وفي النفس اللحظة واحد تاني بيحط ايده في جيبه من الخلف ويشد الفلوس في جزء من الثانية او يشد الشنطة اللي فيها الفلوس لو حط الفلوس في شنطة
و في نفس اللحظة واحد تالت بيزقه بقوة لبعيد
وفي ثانية....... كلهم يمشوا ويختفوا من حولك .... وأنت مش عارف مين ضربك ومن زقك ومن خد فلوسك وبتكون
طبعا تايه وضايع في اللي حصل
عقبال لما تقوم وتجمع اعصابك بيكونوا فص ملح وذاب !!!
فالافضل انك لما تمشي بفلوس او تاخد فلوس من صرافة او بنك تكون لابس جاكت وتحط الفلوس في الجيب الداخلي للجاكت وتقفل الجاكت وما تروحش لوحدك.... خد صديق او اتنين معك.
والاهم من كده بلاش تغير فلوس من صرافات اكسراي ويوسف باشا ومحطة( لالالي )لأن غالبا العصابة اللي بتسرق بالطريقة دي مراقبين الصرفات هناك او شغالين معهم والله اعلم
(أنا وقبلي بسنة صديق اتسرقنا من نفس المكان وبنفس الطريقة)
4_الطريقة الرابعة:
نشل المحفظة أو التليفون من محطة الترماي خاصة في المحطات الزحمة
اتنين بيشغلوك من قدام ويلزقوا فيك وواحد بيشد المحفظة أو التليفون من الجيب الخلفي او من الجيب الجانبي لجاكت البدلة...... وصديق قبل أيام نشلوا محفظته من الجيب الأمامي للبنطلون!!
تجاربي مع حالات السرقة وتجارب أصدقائي دي كانت متفاوته في الوقت؛ منها الظهر ومنها المغرب ومنها بالليل
فياريت الناس تخلي بالها وربنا يحفظنا ويسترنا وإياكم...
الكاتب مؤمن صلاح
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..