الأخبار

دليل الاقامه فى المالديفز (تبدأ من 130 جنيه فى الليله)

دليل الاقامه فى المالديفز (تبدأ من 130 جنيه فى الليله) .. شير عشان كل الناس تعرف
.
.


- لازم تعرف ان المالديفز فيها هوستلز و ايكولودجز رخيصه جدا
و فيها ريزورتز غاليه جدا
.
.
- الهوستيلز و الايكولودجز موجوده على جزر محليه
و الريزورتز موجوده على جزر سياحيه
.
.
- الهوستيلز بتبدأ من 125 جنيه فى الليله للفرد فى غرفه مزدوجه يعنى 900 جنيه فى الاسبوع يا بلاش
الريزورتس بتبدأ من 1250 جنيه فى الليله للفرد فى غرفه مزدوجه و المتوسط من 2000 جنيه لليله و انت طالع
.
.
- الهوستيلز على جزر محليه
انما الريزورتز على جزر سياحيه
.
.
طب ايه الفرق بين الجزر المحليه و الجزر السياحيه ؟
- الجزر السياحيه احلى من الجزر المحليه.
.
.
ليه ؟
- عشان المنتجعات و الفنادق الكبيره اختارت تبنى على الجزر اللى سواحلها شكلها حلو و غنيه بالشعب المراجنيه و الاسماك , و اتبقى الجزر المحليه اللى عليها قرى شبه فقيره للسكان المحليين للمالديفز.
.
.
طيب ممكن اتنقل بين الجزر و بعضها ازاى ؟
- ممكن تتنقل بين الجزر عن طريق التاكسى البحرى (المراكب) او التاكسى الجوى (الطياره اللى بتهبط على المياه)
.
.
طيب ايه هى الهوستيلز اللى موجوده فى المالديفز ؟
خد عندك يا سيدى الاتى و الاسعار للفردين فى الليله تبدأ من:
.
.
- هوستيل Alvi Star Inn ب 220 جنيه للفردين فى لليله على جزيره Thulhaadhoo
.
- هوستيل Kuri Inn ب 270 جنيه للفردين فى الليله على جزيره Omadhoo
.
- هوستيل HM Beach Inn ب 300 جنيه للفردين فى الليله على جزيره Hulhumale
.
- هوستيل Raabol Inn ب 300 جنيه للفردين فى الليله على جزيره Guraidhoo
.
- هوستيل Leisure Boutique Hotel ب 300 جنيه للفردين فى الليله على جزيره Maafushi
.
.
طب ايه ارخص المنتجعات اللى موجوده فى المالديفز ؟
السعر للفردين فى الليله يبدأ من:
.
.
- منتجع Adaaran Select Meedhupparu ب 2000 جنيه للفردين فى الليله على جزيره Meedhoo
.
- منتجع Fihalhohi Island Resort ب 2000 جنيه للفردين فى الليله على جزيره Guraidhoo
.
- منتجع Coco Palm Dhuni Kolhu ب 2000 جنيه للفردين فى الليله على جزيره Thulhaadhoo
.
- منتجع Sun Aqua Vilureef ب 2000 جنيه للفردين فى الليله على جزيره Meedhoo
.
.
بالنسبه للطيران:
التذكره ب 3500 جنيه من الاسكندريه ذهاب و عوده شامله الضرائب
http://tinyurl.com/hcjqwav
.
.
بالنسبه للفيزا: مش محتاجه فيزا مسبقه ولا كشف حساب
الفيزا عند الوصول للمطار ب 20 دولار
دول مش محتاجه فيزا للمصريين:
http://tinyurl.com/hpfm3yx

إرسال تعليق

0 تعليقات

مفضلتي

معدل الحفظ: 0%