موقف 1:
واحد صاحبي راح يخطب .. فبيقول لوالد العروسة أنا عندي شقة ملكي أوضتين وصالة .. فرد عليه أبو العروسة قائلًا: "هو حد بيتجوز في أوضتين وصالة دلوقتي!".\
موقف 2:
واحد صاحبي بيقول لوالد العروسة على الشبكة .. طبعا بنت حضرتك تستاهل مليون جنيه .. لكن أنا إمكانياتي الحالية من 10 : 15 ألف جنيه بالكتير .. عشان الشقة وتجهيزها داخل في 100 ألف جنيه .. وإن شاء الله بعد الجواز لما الحالة تتيسر هكمل ليها اللي هي عاوزاه .. فرد عليه أبوها قائلًا: "أنت جاي تهزر يابني! .. ماعنديش بنات للجواز!"
موقف 3:
واحد صاحبي راح يقول لزميلته، أنا عاوز آجي أتقدملك لكن إمكانياتي الحالية هتكون شبكة متواضعة ماتزيدش عن 15 ألف جنيه .. عشان زي ماأنت فاهمة تجهيز الشقة والخامات والعمال والحاجات دي غالية جدا .. معدية الـ 100 ألف جنيه .. فردت عليه قائلة: "الشبكة دي يعني تقدير من العريس للعروسة، يعني الشقة وتجهيزها أغلى عندك مني! .. ماتحسسنيش أني رخيصة قدام أهلي! .. جاي تخطبني بتوينز!".
موقف 4:
بسأل واحدة زميلتي .. "ليه البنت وأبوها مايقبلوش بشبكة متواضعة .. أنت شايفة الحياة بقت عاملة إزاي!" .. ردت رد كان صاعق بالنسبة لي: "موضوع الشبكة متوقف علي أكثر من حاجة؛ الكلية بتاعتها، مستواها الاجتماعي والأكاديمي .. يعني مثلا بنت خالتي معيدة في صيدلة فماكانش ينفع يجيلها أقل من 50 ألف جنيه .. كمان لو ليها قرايب مخطوبين أو متجوزين .. هتلاقي ابوها بيقولك "ماينفعش تبقي اقل من قرايبها!".
موقف 5:
كنا قاعدين أنا وأصحابي إمبارح بنفكر في مصاريف الزواج .. شقة 250 ألف .. تجهيزها 100 ألف .. مصاريف الفرح 50 ألف .. شبكة وهدايا وخروجات 50 ألف .. يعني حوالي نصف مليون جنيه .. إزاي الشاب لسة متخرج أو مقتبل عمره يقدر يجمع نصف مليون جنيه! .. لو فرضنا أنه بيشتغل ليل ونهار بـ 5000 جنيه في الشهر .. وبيصرف 2000 جنيه أكل ومواصلات .. وبيحوش 3000 جنيه .. فمعنى كده أنه لازم يشتغل 16 سنة عشان يعرف يتجوز.
موقف 6:
واحد صاحبي راح يخطب واحدة زميلته وكان مرعوب لأن والدها يعتبر غني جدا، ووضعهم الاجتماعي كويس جدا جدا .. والبنت نفسها خريجة علوم ووالدها فاتح ليها 3 معامل تحاليل في كذا مكان .. وعندها عربية BMW (أنا بستفيض في التفاصيل دي عشان الناس اللي بتتكلم على المستوى الأكاديمي والكلية والوضع الاجتماعي) .. المهم صاحبي ده قال أنا هروح أتقدم وربنا ييسر .. راح لأبوها قال له: "إحنا بنشتري راجل!" .. صاحبي بيقول أول ماسمعت الكلمة دي عرفت أني مرفوض .. صاحبي شرح له إمكانياته المتواضعة وأن عنده شقة متواضعة في بيت العائلة .. وأنه بيجهز فيها .. وبيشتغل كذا وبيحاول يوصل لكذا .. وشرح له أنه مش هيقدر يجيب شبكة أكثر من 10 آلاف جنيه .. صاحبي جاب دبلة ومحبس .. وأبوها وافق عالخطوبة!
صاحبي بيحكيلي: بعد الخطوبة بشهر لقيت أبوها جايب لها هدية كيلو ذهب! .. وقال لخطيبتي: "أنا مارضيتش أجيب ده ساعة الخطوبة عشان خطيبك مايفتكرش أني مش راضي عن الشبكة اللي هو جايبها!".
تعليق:
طالما البنت شايفة نفسها سلعة، وأبوها شايف أنه بيبيعها للي يدفع أكثر، فقل له من يملك النقود يستطيع أن يرمي ابنتك في الشارع ويدفع مؤخرها في أي وقت شاء! .. ومن يحتج بأن المهر من الدين، فقل له بأن النبي يقول: "أمهر ولو بخاتم من حديد" .. "يسروا ولا تعسروا!" .. وإن كانت العادات والتقاليد هي السبب .. فتبا لعاداتكم القميئة التي أدخلت الكثير من الشباب في دوامة اليأس والكآبة والاكتئاب .. وإن كان المستوى الاجتماعي والمظاهر هي السبب .. فتبا لماديتكم وعنصريتكم وجاهليتكم...
ماتنسوش تحكوا لنا في التعليقات عن مواقف تعرفونها .. سواء كانت ملهمة أو مؤلمة.
المصدر ::
Ibrahim Farouq
واحد صاحبي راح يخطب .. فبيقول لوالد العروسة أنا عندي شقة ملكي أوضتين وصالة .. فرد عليه أبو العروسة قائلًا: "هو حد بيتجوز في أوضتين وصالة دلوقتي!".\
موقف 2:
واحد صاحبي بيقول لوالد العروسة على الشبكة .. طبعا بنت حضرتك تستاهل مليون جنيه .. لكن أنا إمكانياتي الحالية من 10 : 15 ألف جنيه بالكتير .. عشان الشقة وتجهيزها داخل في 100 ألف جنيه .. وإن شاء الله بعد الجواز لما الحالة تتيسر هكمل ليها اللي هي عاوزاه .. فرد عليه أبوها قائلًا: "أنت جاي تهزر يابني! .. ماعنديش بنات للجواز!"
موقف 3:
واحد صاحبي راح يقول لزميلته، أنا عاوز آجي أتقدملك لكن إمكانياتي الحالية هتكون شبكة متواضعة ماتزيدش عن 15 ألف جنيه .. عشان زي ماأنت فاهمة تجهيز الشقة والخامات والعمال والحاجات دي غالية جدا .. معدية الـ 100 ألف جنيه .. فردت عليه قائلة: "الشبكة دي يعني تقدير من العريس للعروسة، يعني الشقة وتجهيزها أغلى عندك مني! .. ماتحسسنيش أني رخيصة قدام أهلي! .. جاي تخطبني بتوينز!".
موقف 4:
بسأل واحدة زميلتي .. "ليه البنت وأبوها مايقبلوش بشبكة متواضعة .. أنت شايفة الحياة بقت عاملة إزاي!" .. ردت رد كان صاعق بالنسبة لي: "موضوع الشبكة متوقف علي أكثر من حاجة؛ الكلية بتاعتها، مستواها الاجتماعي والأكاديمي .. يعني مثلا بنت خالتي معيدة في صيدلة فماكانش ينفع يجيلها أقل من 50 ألف جنيه .. كمان لو ليها قرايب مخطوبين أو متجوزين .. هتلاقي ابوها بيقولك "ماينفعش تبقي اقل من قرايبها!".
موقف 5:
كنا قاعدين أنا وأصحابي إمبارح بنفكر في مصاريف الزواج .. شقة 250 ألف .. تجهيزها 100 ألف .. مصاريف الفرح 50 ألف .. شبكة وهدايا وخروجات 50 ألف .. يعني حوالي نصف مليون جنيه .. إزاي الشاب لسة متخرج أو مقتبل عمره يقدر يجمع نصف مليون جنيه! .. لو فرضنا أنه بيشتغل ليل ونهار بـ 5000 جنيه في الشهر .. وبيصرف 2000 جنيه أكل ومواصلات .. وبيحوش 3000 جنيه .. فمعنى كده أنه لازم يشتغل 16 سنة عشان يعرف يتجوز.
موقف 6:
واحد صاحبي راح يخطب واحدة زميلته وكان مرعوب لأن والدها يعتبر غني جدا، ووضعهم الاجتماعي كويس جدا جدا .. والبنت نفسها خريجة علوم ووالدها فاتح ليها 3 معامل تحاليل في كذا مكان .. وعندها عربية BMW (أنا بستفيض في التفاصيل دي عشان الناس اللي بتتكلم على المستوى الأكاديمي والكلية والوضع الاجتماعي) .. المهم صاحبي ده قال أنا هروح أتقدم وربنا ييسر .. راح لأبوها قال له: "إحنا بنشتري راجل!" .. صاحبي بيقول أول ماسمعت الكلمة دي عرفت أني مرفوض .. صاحبي شرح له إمكانياته المتواضعة وأن عنده شقة متواضعة في بيت العائلة .. وأنه بيجهز فيها .. وبيشتغل كذا وبيحاول يوصل لكذا .. وشرح له أنه مش هيقدر يجيب شبكة أكثر من 10 آلاف جنيه .. صاحبي جاب دبلة ومحبس .. وأبوها وافق عالخطوبة!
صاحبي بيحكيلي: بعد الخطوبة بشهر لقيت أبوها جايب لها هدية كيلو ذهب! .. وقال لخطيبتي: "أنا مارضيتش أجيب ده ساعة الخطوبة عشان خطيبك مايفتكرش أني مش راضي عن الشبكة اللي هو جايبها!".
تعليق:
طالما البنت شايفة نفسها سلعة، وأبوها شايف أنه بيبيعها للي يدفع أكثر، فقل له من يملك النقود يستطيع أن يرمي ابنتك في الشارع ويدفع مؤخرها في أي وقت شاء! .. ومن يحتج بأن المهر من الدين، فقل له بأن النبي يقول: "أمهر ولو بخاتم من حديد" .. "يسروا ولا تعسروا!" .. وإن كانت العادات والتقاليد هي السبب .. فتبا لعاداتكم القميئة التي أدخلت الكثير من الشباب في دوامة اليأس والكآبة والاكتئاب .. وإن كان المستوى الاجتماعي والمظاهر هي السبب .. فتبا لماديتكم وعنصريتكم وجاهليتكم...
ماتنسوش تحكوا لنا في التعليقات عن مواقف تعرفونها .. سواء كانت ملهمة أو مؤلمة.
المصدر ::
Ibrahim Farouq
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..