تجربتي في مركز العلم الطبي - الرياض شارع خالد ابن الوليد حي القدس

السلام عليكم اخواني
تجربتي في مركز العلم الطبي - الرياض شارع خالد ابن الوليد حي القدس
صاحب المركز عبدالرحمن فيحان مستور العتيبي
المدير الطبي عيسى محارب الظفيري

اول حاجه في المقابله الشخصية تم الاتفاق على بنود العقد من تذاكر طيران و اجازه سنوية وكله زي ما مكتب العمل كنت اعزب في الوقت ده و انتقالي بالنص اول ما تتزوج عقدك بيتحول الى عقد عائلي تلقائي كل ده جميل
اول حاجه السكن المفروض بالعقد انه سكن مؤثث. لكن مكنش فيه غير ثلاجة بس
ولما قابلته قالي ولا شيء طالما استلمت اي راتب مالكش انك تيجي المكتب هنا و لما قلت له العقد اللي بيننا قاللي مكتب العمل في نهاية الشارع وانتهى الموضوع
تذاكر السفر السنويه ١٧٠٠ ريال فقط و أتصرف
الإجازة السنويه ١٥ يوم بس و الباقي على حسابك
مفيش نسبه مع انها مذكورة بالعقد
و مفيش مكافأة نهاية الخدمة
مفيش تأمين طبي وبتتعالج في المركز بفلوس زي المرضى
كل ده اكتشفته بعدين
الكلمة الاولى والاخيرة لرئيسة التمريض هيا الكل في الكل و اللي عاوز يقعد و يظبط وضعه ولازم يظبطها بهداية او اي حاجه
بدأت المشاكل لما كان عندي امتحان الجزء الاول من الماجستير بعد ما كان موافق رجع في كلامه قبل مياد الامتحان بيوم واحد بعد حجز تذكرة الطيران وراح عليا كل حاجه واضطريت انني ادخل شهر ٩
تاني موقف إجازتي السنويه بالتزامن مع زواجي بعد الاتفاق بيننا على ورق و قبل ميعاد نزولي بأسبوع لاقيته باعتلي بيقولي مضطرين نأجل زواجك لعدم وجود أطباء
مع العلم اننا كنّا مكتملين بس الحمد لله بعد كلام كتير وذل اخدت الجواز قبل حجز الطيارة بساعة
وانا راجع من الإجازة في القاهرة منعوني من السفر البيه كان عاملي الخروج و العودة ٢٩ يوم وانا راجع في الْيَوْمَ الثلاثين. فضلت أسبوعين في مصر.
لما رجعت طبعاً قابلني بمنتهى قلة الذوق والأدب على ان انا السبب في التأشيرة
لما زوجتي جت من مصر أولاً سألني عن جواز سفرها وكانت حجته عشان لو اختلفتا اعرف اضغط عليك وسألت على التأمين الطبي قالي بالنص هو انا هشيل قرفك انت زوجتك كفايا واحد اللي يجيب عياله يشيلهم. طبعاً عملت لزوجتي وابني تأمين طبي على حسابي طبعاً مش شغال ( فتح سيستم ) على نفس الوثيقه اللي هوه عامل للمركز فيها
حتى العمرة و الحج مانعها الا لو صادف نهاية عقدك انا راحت عليا فلوس الطيران و الفندق بسبب انه رافض اعمل عمله بحجة ان عملي عبادة حتى صلاة الجماعة بقى بيتكلم فيها كذا دكتور بحجة ان فيه مرضى و صلوا في البيت أفضل
آخر اجازه رحت تايلاند مع الاسره وانا راجع لاقيته عاملي تأشيرة يومين بس ازاي معرفش
حجزونا في المطار بانكوك اضطررت أني ارجع القاهرة بناء على رغبته وزوجتي رجعت الرياض لظروف عملها
بمجرد رجوعي مصر لاقيته باعتلي بيقولي خليك عندك مافي سعودية تاني و اهلك برحلهم بطريقتي و بعد مداولات كتير بعتلي التمديد بعد ثلاث أسابيع بعيد عن اسرتي مع العلم انني ناقل كفاله عليه يعني الڤيزا بتاعتي
والآن بعد ما جالي فرصة عمل بمستشفى كبرى رافض ينقلي كفاله الا بعد الفرصة ما تروح مني
بيقولي ما هتشتغل الا هنا و الشغل هنا بالغصب
معظم الموظفين اللي جم سواء أطباء . صيادلة . حتى العمال. و الممرضات اللي بيجيلو فرصه انه يهرب بيهرب من سنة ٢٠١٣ الى الان هربان اكتر من ٥٥ موظف
و في للنهايه خصم اللي خصمه و قاعد يساورني على عشرة آلاف ريال عشان يهديني ورق من المركز انني امشي
صاحب المكان و المدير الطبي بيتفقوا مع الناس على انها مستشفى و لما الناس بتيجي بتتصدم بالواقع
انا حكيت معاناتي في المكان ده عشان الناس تأخد بالها
حسبنا الله و نعم الوكيل.

التجربة منشورة على فتافيت الفيسبوك