النساء والتوليد في المانيا
البوست ده هتكلم فيه بالتفصيل عن تخصص النساء والتوليد في المانيا .. هتكلم بتفصيل شوية عشان الناس اللي في مصر ممكن تكون مش متخيلة النظام الصحي هنا ازاي او انا كنايب بعمل ايه بالظبط و يومي ازاي وكمان النظام بعد النيابة ايه وكده
… يا ريت تكون بداية ان اللي شغالين في تخصصات تانية كمان يكتبوا تفاصيل التخصص والشغل اليومي ازاي .. الفكرة ان في ناس بتذاكر لغة و قربت تياس و محتاجين بس to see the light at the end of the Tunnel عشان يقدروا يكملوا. في حد كتب قبل كده انه بيتخنق من الناس اللي زيي اللي بتبقى عاملة فيها Motivational speakers ويقول للناس انتوا ممكن تنجحوا زيي !!! انا ما قلتش كده طبعا وده مش قصدي.. واسف لو كان كلامي اتفهم كده..
اولا تخصص النسا هنا كبير ومتشعب جدا جدا جدا .. هو عبارة عن subspecialities كبيرة هتكلم عن اهمها هنا.. انت كنايب نسا مطلوب منك في فترة النيابة او التخصص انك تتعلم حاجات معينة (مكتوبة في لوج بوك هتنزله من على موقع النقابة وكل سنة هتقعد مع رئيس القسم ويكتب لك اللي انت عملته السنادي فيه ويمضي عليه) في مدة معينة (٥ سنين على الاقل)بعد ما تخلص هتروح تمتحن امتحان التخصص وغالبا يعني هتنجح وخلاص كده .. بقيت Facharzt : .. D ده مثلا موقع النقابة بتاعة Westfallen-Lippe وعليه اللوج بوك بتاع كل تخصص.. ممكن تنزل اللوج بوك بتاع التخصص بتاعك وتحاول تفهم انت المطلوب منك انك تتعلمه ايه في التخصص بتاعك .. https://www.aekwl.de/index.php?id=2779
طبعا مكان شغلك هيفرق جدا جدا في مستوى تعليمك .. ده نقطة مهمة جدا هنا في المانيا وده الفرق بين المانيا وامريكا .. في امريكا انت هيطلع روح اهلك مذاكرة وفلوس عشان تجيب score ولازم تعمل research و electives عشان تقدر تدخل الMatch.. .. وفي الاخر احتمال انك تماتش برضه مش اكيد.. بس لو دخلت في السيستم فانت اكيد هتدخل في مستشفى فيها نظام تعليمي ممتاز وهتطلع دكتور شاطر .. بمعنى ان في سكة امريكا الفرهدة والتعب كله في الاول عشان تعرف تدخل السيستم .. ولو ظبطت ودخلت في السيستم هتتعلم كويس .. في المانيا مش كده .. المانيا محتاجة دكاترة في كل الاماكن من كل المستويات في كل التخصصات .. وانت ولغتك ومجهودك وطموحك ....عايز تشتغل ممارس عام او دكتور في مصحة نفسية او في عيادة هاوس ارتزت ومش فارق معاك التعليم او المكان هتلاقي..حتى لو عايز تشتغل ١٠ ساعات بس في الاسبوع وفل انا كده وسيبوني اعيش حياتي هتلاقي (طبعا بفرض انك عندك المؤهل الوحيد انك تشتغل في المانيا وهو انك تكون بتتكلم الماني ) .. في المان كتير اصلا بيعملوا كده ومبسوطين جدا… عايز تشتغل في مستشفى تعليمي او مستشفى جامعة وتتفحت شغل ومذاكرة و Fortbildung برضه هتلاقي.. انت ومجهودك وانت عايز ايه.. الفكرة ان المكان اللي انت فيه بيفرق فرق السما والارض في تعليمك ومستواك بعد كده .. هشرح بالتفصيل لما اتكلم عن الاقسام اللي هتلف عليها .. في حاجة كمان مهمة جدا … مفيش حاجة اسمها احنا بنعملها كده طول عمرنا او هي كده .. في Guidelines لازم المستشفى تمشي عليها (بتكلم على النسا.. ما اعرفش في باقي التخصصات ايه النظام ) ال Guidelines بتاعتنا اللي عاملاها ال DGGG .. Deutsche Gesellschaft für Gynäkologie und Geburtshilfe.. ده عبارة عن الخطوط العريضة لاي حالة .. ممكن كمان تنزلها وتقراها
اهم الاقسام في التخصص هي ال،Obstetrics, Oncology, Urogynacology, Endocrinology , Breast وحبة حاجات صغيرة مش مهمة
* Geburtshilfe (Obstetrics) :
طبعا ده اهم حاجة عشان ده اكتر من ٩٠٪ من شغلك في النبطشية.. وطبعا اول ما تشغل هتبدا هنا وبعدين هتروح باقي الاقسام ,.. لو المستشفى صغيرة غالبا هتلاقي ده كل شغلهم ومفيش اقسام تانية .. هشرح لك بس الاول نظام رعاية الحامل هنا في المانيا Schwangerschaftsvorsorge… العيانة عرفت انها حامل .. هتروح لدكتور النسا بتاعها.. وده اللي هيتابع معاها طول فترة الحمل ..من الاول هيعمل لها دفتر صغير اسمه Mutterpass ده اهم حاجة في حياة اي حامل و هيبقى معاها على طول … فيه معلومات زي
Blood Group, Anti D Titer, Rubella state, OGTT Test result, Ultrasound results, Growth curves, Hepatitis Antigen, LMP, EDD, History of old pregnancies, mode of deliveries, Blood pressure, weight, Hb, Organscreening…etc
طبعا متحدد في ال guidelines العيانة المفروض تروح للدكتور بتاعها كل اد ايه ويعمل ايه بالظبط في الزيارة ده ويقيده في الدفتر ده .. مثلا في الاسبوع ال ٢٤ يعمل لها OGTT…. في الاسبوع ال ٣٦ HbsAg.. وهكذا .. بفرض ان كله تمام و المتابعة ما فيهاش اي مشاكل والعيل كويس وبيكبر ،كله تمام.. يبقى العيانة ده انت كنايب شغال في مستشفى مش هتشوفها غير لما تيجي لك عشان تولد..الا لو في حاجة في خلال فترة الحمل مش عاجبة الدكتور .. هيديها تحويل ويقول لها تيجي لك المستشفى.. التحويل ده طلب من الدكتور اللي بره لو سمحت احجز العيانة ده عندك عشان كذا .. مثلا سكرها عالي .. هتظبط لها السكر وتديها انسولين وتمشيها لما الدنيا تظبط.. او مثلا ال Cervix بتصغر .. هتديهاCortison for lung Maturity او ممكن تركب Cerclage .. او مثلا انا شاكك انها بتبدا Präeklampsie.. هتحجزها و تسحب لها معامل وووووو.وهكذا..
دلوقت هشرح لك تقسيمة المستشفيات في المانيا بالنسبة لل Geburtshilfe.. النوع الاول مستشفى فيها Perinatale Schwerpunkte .. وده عبارة عن مستشفى ما فيهاش حضانات .. يدوب فيها دكتور اطفال وادوات انعاش اوليّة.. ده مسموح لها تولد لو الحمل اكتر من 37+0 اسبوع بس و ما يكونش حمل فيه اي مشاكل من اي نوع .. النوع التاني Level-2- Pränatalzentrum وده فيها حضانات ودكاترة اطفال ٢٤ ساعة بس برضه مش التوب .. ده مسموح لها تولّد بس بعد ٣٦+٠ وممكن تولد توأم لو الحمل ما فيهوش مشاكل.. النوع التالت Pränatalzentrum Level1- وده مجهزة على اعلى مستوى.. يعني في دايما دكتور واخصائي رعاية اطفال و حضانات وممرضة حضانة خاصة لكل طفل و اجهزة انعاش وجراحة اطفال وهكذا .. وكلهم موجودين في خلال ٥٠ متر من ال kreisssaal .عشان كده بقول لك المكان اللي تشتغل فيه هيفرق جدا عشان مثلا لو انت مش في Pränatalzentrum Level1 فانت مش هتشوف اي حالة قبل ٣٧ اسبوع او اي حالة فيها سكر او SGA او percreta,, hydrops, او اي مشكلة في الطفل او الام .. كله هيتحول على. Pränatalzentrum عشان هنا ما حدش هياخد الريسك خاااالص..
دلوقت شغلك كنايب في ال Geburtshilfe: انت طبعا هتكون اغلب الوقت في ال Kreisssaal.. ده اللي هو كشك الولادة يعني.. طبعا غير مفهومك عن الكشك خالص !! في دايما اخصائي يا اما موجود في المستشفى يا اما On call. المهم العيانة هتيجي .. هتفحصها وتقرر تحجزها ولا لا .. وبعدين هتعمل لها سونار ( هنتكلم فيه بالتفصيل .. ده اهم حاجة لازم تتعلم تعملها كويس .. ده ايدك ورجلك وعينك مع بعض ) وتسحب دم وتدخلها ال Kreisssaal بتاعتها.. المهم يعني ان انت كدكتور ما بتولّدش طبيعي !!! اه والله !! في Hebamme.. هي اللي بتستلم منك العيانة وتفضل معاها لحد ما تولد… انت بس بتتابع العيانة وتخش لها مثلا كل ساعة ،، عايزة epidural تكلم التخدير ييجي ,,, تعلق لها سينتو ,, .تتابع تطور الولادة و لو في حاجة تتدخل . العيانة لازم تفضل طول الوقت على ال CTG وانت تتابعه على المونيتور … لو الCTG وحش المفروض انك تعمل MBU. وتسحب عينة دم من راس البيبي وتشوف وضع البيبي ايه. تعمل Vaccum Extraction على حسب ال indication وهكذا يعني .. الهدف عامة انك تقلل معدل القيصريات على قد ما تقدر ..وهي ده التّكة .. اي حد ممكن يفتح قيصرية ويخلص ،، الفكرة ان العيانة تولد طبيعي من غير اي مشاكل عليها او على البيبي .. ما حدش بس يقول في مصر الدكاترة بتستسهل وتفتح عشان في مصر مفيش امكانية ان الدكتور يتابع نبض الجنين وال ph طول الوقت .. وكمان مش دوره اصلا انه يقعد جنب العيانة لحد ما تولد !!! هنا حتى اللي ولدت قيصري قبل كده بتولد طبيعي عادي عشان كله تحت متابعة شديدة.. شديدة يعني لو حصل اي مشكلة (وده مش نادر) زي مثلا abruptio Placenta, Rupture Uterus, deceleration,.. تعمل Crash emergency cesarean section يعني لازم تكلم التخدير والاطفال والاخصائي وبتوع العمليات )او يكون في زرار تدوس عليه والناس كلها تيجي جري ) والعيانة تخش اوضة العمليات وتتعقم وتفتح وتطلع العيل في ١٠ دقايق.. لو عديت ٢٠ دقيقة من ساعة ما تقرر تعمل Crash emergency لحد ما تطلع الواد مشكلة كبيرة للمستشفى كلها.. لو طبيعي انت بتحضر بس اخر ال secondstage و بعدين تسحب عينة دم من ال Cordعشان لازم تقيس ال PH وبعدين لو في tear هتخيطها .. لازم كمان تعرف ت manage any complication.. عيانة عندها postpartum hemorrhage ممكن تنزف ٥ لتر دم في ١٠ دقايق قبل حتى ما تستوعب…
.
غير كده عندك العيانين اللي في العنبر .. الحوامل والبوست .. البوست دول كلام فاضي .. الطبيعي بتقعد يومين والقيصرية ٥ .. هتمر عليهم مرة في اليوم تبص عليهم او تسحب دم وشكرا.. الحوامل بقة هتتعامل معاها على حسب الحالة . في حوامل عندهم حاجات مش Obs خالص.. ودنها واجعاها .. معدتها.. صباعها .. هنا اي حامل تبقى عيانتك .. مفيش دكتور في المانيا بيتجرأ انه يلمس عيانة حامل او يكتب لها دوا او يعمل لها اي تدخل الا في حدود ضيقة جدا..عادة العيانين دول هيبقوا عندك وانت بتطلب لها Consultations من الاقسام التانية او هما يعالجوها عادي بس عندك في القسم . في الحوامل بتوعك اللي هما عندهم مشاكل Obs يعني … واحدة مثلا ٣٠ اسبوع و Preterm Labor هتحجزها وتديها Tokolysis and Lung Maturity induction, .. واحدة ٣٢ اسبوع Rupture of membrane هتديها مضاد حيوي و هتعمل لها CRP كل ٨ ساعات.. واحدة SGA or pathological Doppler هتعمل لها دوبلر كل يوم .. واحدة هتعمل amniocentesis .. كده ..طبعا اي حامل تحت ال٣٧ اسبوع لازم تبلغ بيها رعاية الاطفال .. الحمد لله بتوع الاطفال عندنا جامدين جدا .. السنة اللي فاتت فتحنا اكتر من ١٩٠ حالة قبل ٣٢ اسبوع وواحد بس ما كملش ..
.
بالنسبة لل Fortbildung ( حاجات لازم تتعلمها مع نفسك .. النقابة والجامعات بتعمل فيها كورسات وانت بتروح تاخدها.. في حاجات كتير جدا وانت اللي تختار على حسب انت عايز تتعلم ايه او ناوي على ايه بعد كده.. ) المهم ليك في الGeburtshilfe هو السونار والدوبلر …. السونار في مصر بيعملوه دكاترة الراديولوجي .. هنا احنا اللي بنعمله.. من اول قياسات وزن البيبي ونموه لحد دوبلر ال Ductus Venosus و Anemia diagnostics in Middle Cerebral Artery .. لو حابب كمان يبقى ال First treimester Screening and Organ Screening .. ده صعب شوية بس اللي بيتعلمه بيبقى برنس
القسم التاني : ال Gyne.. وده فيه عيانين ال Oncology, Urogynacology, Endocrinology
العيانين هنا طبعا اغلبهم لستة عمليات .. على حسب المستشفى .. في عمليات صغيرة بتتعمل Ambulant يعني العيانة بتروح في نفس اليوم زي ال ..D&C, laparoscopy and cyst resection, … كده
لو المستشفى Tumorzentrum يبقى هتعمل عمليات اورام كبيرة .. زي مثلا Ovarian Carcinoma… ده ممكن تبقى عملية
١٠ ساعات مثلا ويتعقم فيها الجراحة والمسالك وبعدين هيتركب لها Port في نفس العملية..والعيانة ده هتفضل عندك في القسم اسبوعين تلاتة .. وبعدين هتروح وهتيجي بعد كده مثلا كل اسبوع مرة تاخد Chemotherapy.. الاخصائي هيعمل لها جدول الكيماوي وانت كل يوم هتشوف مين اللي هتيجي النهاردة وتطلب لها الدوا وهتجيلك تعلق لها الChemotherapy في البورت وتتابع معاملها.. بصفة عامة الشغل في ال Gyne مرهق عشان كل عيانة حالة لوحدها ومحتاجة تحضير وبوست ،انت اللي لازم تحضرلها كل حاجة قبل وبعد العملية .. يعني مثلا عشان ال staging تطلب لها سونار و MRI و IVPو Bone Scanو coloscopy و تكلم الباثولوجي و تشوف النتايج و لازم كله يتم في معاده.. حتى الباروكة لازم انت اللي تكلم التامين عليها قبل ما تبدا الكيماوي .. بس اصعب حاجة فعلا بالنسبة لي هي التعامل مع العيانين دول .. الالمان بيدوهم facts about very bad prognosis باسلوب مباشر جدا وفي الاخر يقولوا لهم معلش ويقعدوا يطيبوا خاطرهم ويكلموا بتوع النفسية كمان ييجوا يتكلموا معاهم !!!
المهم انت المطلوب منك كعمليات في القسم ده ٢٠٠ عملية صغيرة ( D&C، Hysteroscopy, partholian cyst مثلا) و ١٠٠ عملية كبيرة ( Laparoscopy, vaginal Hysterectomy, TAH BSO, , Laparotomy with adnexa. Prolaps,…المستشفى تبقى كويسة لو فيها كل يوم لستة على الاقل ٢ صغيرين وواحدة كبيرة .. شغلك انت على حسب المكان .. في اماكن كل اللي بيعملوا العمليات النواب .. وفي اماكن النايب بيتعقم بعد ٣ سنين ..
القسم التالت : Breast
هنا ده قسم في النسا مش زي مصر في الجراحة … كل واحدة بتعمل Mamography كل فترة ولو في حاجة بتيجي و بتفحصها ومثلا بنعمل لها سونار او biopsy.. وبرضه لو المستشفى Brustzentrum هيتعمل لها staging وبعدين عملية وبرضه هتيجي تتابع وتاخد كيماوي بعدين .. اصعب حاجة في العيانين دول ان اغلبهم ستات كبيرة ولازم يكونوا رغايييييييييييين جداااااااااا.. غالبا انت الوحيد اللي بيسمع لهم ..
بعد كده ال Emergency Room او ال Notaufnahme .. في النبطشية هيكلموك ان في عيانة جاية بكذا كذا .. هتفحصها وتعمل لها سونار وتقرر .. ٩٠ ٪ منهم بيتدلعوا عشان متخانقين مع صحابهم او psychosomatic.. هتتكلم معاها وتمشيها وتقول لها تتابع مع الدكتور بتاعها .. اللي هتلاقي فيها حاجة هتحجزها وتتعامل معاها على حسب الحالة .. مثلا Hyperemesis, Ectopic , Ruptured cyst, Adenexitis .. كده
كل ده كان فكرة عامة عن التخصص والشغل .. التخصص كبير جدا ..ممتع جدا للي حابه .. حلاوته انه تخصص جراحي بس مش مشرط وخلاص ..بالعكس فيه جزء كبير جدا محتاج تفكير ودماغ حلوة .. عيوبه ال stress الرهيب والارهاق البدني .. كفاية اني اقول لك ان التامين على دكاترة النسا بيبقى ضعف التامين على الدكتور العادي … عشان الغلطة فيه ممكن لا قدر الله تساوي حياة طفل او ضرر دائم للطفل بعد كده .. زي ما قلت التخصص ممتع للي حابه .. بس برضه لماتبقى الساعة ٤ الصبح وانت ما نمتش من ٢٤ ساعة وعندك ٥ بيولدوا وهتفتح قيصرية وجاية لك عيانة Ectopic وبتنزف هتضرب نفسك بالجزمة انك ما اخدتش راديولوجي او ديرما ونمت في بيتكوا زي ولاد الناس ..
لو البوست ده فادك #افتكرني_بدعوة_حلوة
المصدر : Mohamed Ismaeil
البوست ده هتكلم فيه بالتفصيل عن تخصص النساء والتوليد في المانيا .. هتكلم بتفصيل شوية عشان الناس اللي في مصر ممكن تكون مش متخيلة النظام الصحي هنا ازاي او انا كنايب بعمل ايه بالظبط و يومي ازاي وكمان النظام بعد النيابة ايه وكده
… يا ريت تكون بداية ان اللي شغالين في تخصصات تانية كمان يكتبوا تفاصيل التخصص والشغل اليومي ازاي .. الفكرة ان في ناس بتذاكر لغة و قربت تياس و محتاجين بس to see the light at the end of the Tunnel عشان يقدروا يكملوا. في حد كتب قبل كده انه بيتخنق من الناس اللي زيي اللي بتبقى عاملة فيها Motivational speakers ويقول للناس انتوا ممكن تنجحوا زيي !!! انا ما قلتش كده طبعا وده مش قصدي.. واسف لو كان كلامي اتفهم كده..
اولا تخصص النسا هنا كبير ومتشعب جدا جدا جدا .. هو عبارة عن subspecialities كبيرة هتكلم عن اهمها هنا.. انت كنايب نسا مطلوب منك في فترة النيابة او التخصص انك تتعلم حاجات معينة (مكتوبة في لوج بوك هتنزله من على موقع النقابة وكل سنة هتقعد مع رئيس القسم ويكتب لك اللي انت عملته السنادي فيه ويمضي عليه) في مدة معينة (٥ سنين على الاقل)بعد ما تخلص هتروح تمتحن امتحان التخصص وغالبا يعني هتنجح وخلاص كده .. بقيت Facharzt : .. D ده مثلا موقع النقابة بتاعة Westfallen-Lippe وعليه اللوج بوك بتاع كل تخصص.. ممكن تنزل اللوج بوك بتاع التخصص بتاعك وتحاول تفهم انت المطلوب منك انك تتعلمه ايه في التخصص بتاعك .. https://www.aekwl.de/index.php?id=2779
طبعا مكان شغلك هيفرق جدا جدا في مستوى تعليمك .. ده نقطة مهمة جدا هنا في المانيا وده الفرق بين المانيا وامريكا .. في امريكا انت هيطلع روح اهلك مذاكرة وفلوس عشان تجيب score ولازم تعمل research و electives عشان تقدر تدخل الMatch.. .. وفي الاخر احتمال انك تماتش برضه مش اكيد.. بس لو دخلت في السيستم فانت اكيد هتدخل في مستشفى فيها نظام تعليمي ممتاز وهتطلع دكتور شاطر .. بمعنى ان في سكة امريكا الفرهدة والتعب كله في الاول عشان تعرف تدخل السيستم .. ولو ظبطت ودخلت في السيستم هتتعلم كويس .. في المانيا مش كده .. المانيا محتاجة دكاترة في كل الاماكن من كل المستويات في كل التخصصات .. وانت ولغتك ومجهودك وطموحك ....عايز تشتغل ممارس عام او دكتور في مصحة نفسية او في عيادة هاوس ارتزت ومش فارق معاك التعليم او المكان هتلاقي..حتى لو عايز تشتغل ١٠ ساعات بس في الاسبوع وفل انا كده وسيبوني اعيش حياتي هتلاقي (طبعا بفرض انك عندك المؤهل الوحيد انك تشتغل في المانيا وهو انك تكون بتتكلم الماني ) .. في المان كتير اصلا بيعملوا كده ومبسوطين جدا… عايز تشتغل في مستشفى تعليمي او مستشفى جامعة وتتفحت شغل ومذاكرة و Fortbildung برضه هتلاقي.. انت ومجهودك وانت عايز ايه.. الفكرة ان المكان اللي انت فيه بيفرق فرق السما والارض في تعليمك ومستواك بعد كده .. هشرح بالتفصيل لما اتكلم عن الاقسام اللي هتلف عليها .. في حاجة كمان مهمة جدا … مفيش حاجة اسمها احنا بنعملها كده طول عمرنا او هي كده .. في Guidelines لازم المستشفى تمشي عليها (بتكلم على النسا.. ما اعرفش في باقي التخصصات ايه النظام ) ال Guidelines بتاعتنا اللي عاملاها ال DGGG .. Deutsche Gesellschaft für Gynäkologie und Geburtshilfe.. ده عبارة عن الخطوط العريضة لاي حالة .. ممكن كمان تنزلها وتقراها
اهم الاقسام في التخصص هي ال،Obstetrics, Oncology, Urogynacology, Endocrinology , Breast وحبة حاجات صغيرة مش مهمة
* Geburtshilfe (Obstetrics) :
طبعا ده اهم حاجة عشان ده اكتر من ٩٠٪ من شغلك في النبطشية.. وطبعا اول ما تشغل هتبدا هنا وبعدين هتروح باقي الاقسام ,.. لو المستشفى صغيرة غالبا هتلاقي ده كل شغلهم ومفيش اقسام تانية .. هشرح لك بس الاول نظام رعاية الحامل هنا في المانيا Schwangerschaftsvorsorge… العيانة عرفت انها حامل .. هتروح لدكتور النسا بتاعها.. وده اللي هيتابع معاها طول فترة الحمل ..من الاول هيعمل لها دفتر صغير اسمه Mutterpass ده اهم حاجة في حياة اي حامل و هيبقى معاها على طول … فيه معلومات زي
Blood Group, Anti D Titer, Rubella state, OGTT Test result, Ultrasound results, Growth curves, Hepatitis Antigen, LMP, EDD, History of old pregnancies, mode of deliveries, Blood pressure, weight, Hb, Organscreening…etc
طبعا متحدد في ال guidelines العيانة المفروض تروح للدكتور بتاعها كل اد ايه ويعمل ايه بالظبط في الزيارة ده ويقيده في الدفتر ده .. مثلا في الاسبوع ال ٢٤ يعمل لها OGTT…. في الاسبوع ال ٣٦ HbsAg.. وهكذا .. بفرض ان كله تمام و المتابعة ما فيهاش اي مشاكل والعيل كويس وبيكبر ،كله تمام.. يبقى العيانة ده انت كنايب شغال في مستشفى مش هتشوفها غير لما تيجي لك عشان تولد..الا لو في حاجة في خلال فترة الحمل مش عاجبة الدكتور .. هيديها تحويل ويقول لها تيجي لك المستشفى.. التحويل ده طلب من الدكتور اللي بره لو سمحت احجز العيانة ده عندك عشان كذا .. مثلا سكرها عالي .. هتظبط لها السكر وتديها انسولين وتمشيها لما الدنيا تظبط.. او مثلا ال Cervix بتصغر .. هتديهاCortison for lung Maturity او ممكن تركب Cerclage .. او مثلا انا شاكك انها بتبدا Präeklampsie.. هتحجزها و تسحب لها معامل وووووو.وهكذا..
دلوقت هشرح لك تقسيمة المستشفيات في المانيا بالنسبة لل Geburtshilfe.. النوع الاول مستشفى فيها Perinatale Schwerpunkte .. وده عبارة عن مستشفى ما فيهاش حضانات .. يدوب فيها دكتور اطفال وادوات انعاش اوليّة.. ده مسموح لها تولد لو الحمل اكتر من 37+0 اسبوع بس و ما يكونش حمل فيه اي مشاكل من اي نوع .. النوع التاني Level-2- Pränatalzentrum وده فيها حضانات ودكاترة اطفال ٢٤ ساعة بس برضه مش التوب .. ده مسموح لها تولّد بس بعد ٣٦+٠ وممكن تولد توأم لو الحمل ما فيهوش مشاكل.. النوع التالت Pränatalzentrum Level1- وده مجهزة على اعلى مستوى.. يعني في دايما دكتور واخصائي رعاية اطفال و حضانات وممرضة حضانة خاصة لكل طفل و اجهزة انعاش وجراحة اطفال وهكذا .. وكلهم موجودين في خلال ٥٠ متر من ال kreisssaal .عشان كده بقول لك المكان اللي تشتغل فيه هيفرق جدا عشان مثلا لو انت مش في Pränatalzentrum Level1 فانت مش هتشوف اي حالة قبل ٣٧ اسبوع او اي حالة فيها سكر او SGA او percreta,, hydrops, او اي مشكلة في الطفل او الام .. كله هيتحول على. Pränatalzentrum عشان هنا ما حدش هياخد الريسك خاااالص..
دلوقت شغلك كنايب في ال Geburtshilfe: انت طبعا هتكون اغلب الوقت في ال Kreisssaal.. ده اللي هو كشك الولادة يعني.. طبعا غير مفهومك عن الكشك خالص !! في دايما اخصائي يا اما موجود في المستشفى يا اما On call. المهم العيانة هتيجي .. هتفحصها وتقرر تحجزها ولا لا .. وبعدين هتعمل لها سونار ( هنتكلم فيه بالتفصيل .. ده اهم حاجة لازم تتعلم تعملها كويس .. ده ايدك ورجلك وعينك مع بعض ) وتسحب دم وتدخلها ال Kreisssaal بتاعتها.. المهم يعني ان انت كدكتور ما بتولّدش طبيعي !!! اه والله !! في Hebamme.. هي اللي بتستلم منك العيانة وتفضل معاها لحد ما تولد… انت بس بتتابع العيانة وتخش لها مثلا كل ساعة ،، عايزة epidural تكلم التخدير ييجي ,,, تعلق لها سينتو ,, .تتابع تطور الولادة و لو في حاجة تتدخل . العيانة لازم تفضل طول الوقت على ال CTG وانت تتابعه على المونيتور … لو الCTG وحش المفروض انك تعمل MBU. وتسحب عينة دم من راس البيبي وتشوف وضع البيبي ايه. تعمل Vaccum Extraction على حسب ال indication وهكذا يعني .. الهدف عامة انك تقلل معدل القيصريات على قد ما تقدر ..وهي ده التّكة .. اي حد ممكن يفتح قيصرية ويخلص ،، الفكرة ان العيانة تولد طبيعي من غير اي مشاكل عليها او على البيبي .. ما حدش بس يقول في مصر الدكاترة بتستسهل وتفتح عشان في مصر مفيش امكانية ان الدكتور يتابع نبض الجنين وال ph طول الوقت .. وكمان مش دوره اصلا انه يقعد جنب العيانة لحد ما تولد !!! هنا حتى اللي ولدت قيصري قبل كده بتولد طبيعي عادي عشان كله تحت متابعة شديدة.. شديدة يعني لو حصل اي مشكلة (وده مش نادر) زي مثلا abruptio Placenta, Rupture Uterus, deceleration,.. تعمل Crash emergency cesarean section يعني لازم تكلم التخدير والاطفال والاخصائي وبتوع العمليات )او يكون في زرار تدوس عليه والناس كلها تيجي جري ) والعيانة تخش اوضة العمليات وتتعقم وتفتح وتطلع العيل في ١٠ دقايق.. لو عديت ٢٠ دقيقة من ساعة ما تقرر تعمل Crash emergency لحد ما تطلع الواد مشكلة كبيرة للمستشفى كلها.. لو طبيعي انت بتحضر بس اخر ال secondstage و بعدين تسحب عينة دم من ال Cordعشان لازم تقيس ال PH وبعدين لو في tear هتخيطها .. لازم كمان تعرف ت manage any complication.. عيانة عندها postpartum hemorrhage ممكن تنزف ٥ لتر دم في ١٠ دقايق قبل حتى ما تستوعب…
.
غير كده عندك العيانين اللي في العنبر .. الحوامل والبوست .. البوست دول كلام فاضي .. الطبيعي بتقعد يومين والقيصرية ٥ .. هتمر عليهم مرة في اليوم تبص عليهم او تسحب دم وشكرا.. الحوامل بقة هتتعامل معاها على حسب الحالة . في حوامل عندهم حاجات مش Obs خالص.. ودنها واجعاها .. معدتها.. صباعها .. هنا اي حامل تبقى عيانتك .. مفيش دكتور في المانيا بيتجرأ انه يلمس عيانة حامل او يكتب لها دوا او يعمل لها اي تدخل الا في حدود ضيقة جدا..عادة العيانين دول هيبقوا عندك وانت بتطلب لها Consultations من الاقسام التانية او هما يعالجوها عادي بس عندك في القسم . في الحوامل بتوعك اللي هما عندهم مشاكل Obs يعني … واحدة مثلا ٣٠ اسبوع و Preterm Labor هتحجزها وتديها Tokolysis and Lung Maturity induction, .. واحدة ٣٢ اسبوع Rupture of membrane هتديها مضاد حيوي و هتعمل لها CRP كل ٨ ساعات.. واحدة SGA or pathological Doppler هتعمل لها دوبلر كل يوم .. واحدة هتعمل amniocentesis .. كده ..طبعا اي حامل تحت ال٣٧ اسبوع لازم تبلغ بيها رعاية الاطفال .. الحمد لله بتوع الاطفال عندنا جامدين جدا .. السنة اللي فاتت فتحنا اكتر من ١٩٠ حالة قبل ٣٢ اسبوع وواحد بس ما كملش ..
.
بالنسبة لل Fortbildung ( حاجات لازم تتعلمها مع نفسك .. النقابة والجامعات بتعمل فيها كورسات وانت بتروح تاخدها.. في حاجات كتير جدا وانت اللي تختار على حسب انت عايز تتعلم ايه او ناوي على ايه بعد كده.. ) المهم ليك في الGeburtshilfe هو السونار والدوبلر …. السونار في مصر بيعملوه دكاترة الراديولوجي .. هنا احنا اللي بنعمله.. من اول قياسات وزن البيبي ونموه لحد دوبلر ال Ductus Venosus و Anemia diagnostics in Middle Cerebral Artery .. لو حابب كمان يبقى ال First treimester Screening and Organ Screening .. ده صعب شوية بس اللي بيتعلمه بيبقى برنس
القسم التاني : ال Gyne.. وده فيه عيانين ال Oncology, Urogynacology, Endocrinology
العيانين هنا طبعا اغلبهم لستة عمليات .. على حسب المستشفى .. في عمليات صغيرة بتتعمل Ambulant يعني العيانة بتروح في نفس اليوم زي ال ..D&C, laparoscopy and cyst resection, … كده
لو المستشفى Tumorzentrum يبقى هتعمل عمليات اورام كبيرة .. زي مثلا Ovarian Carcinoma… ده ممكن تبقى عملية
١٠ ساعات مثلا ويتعقم فيها الجراحة والمسالك وبعدين هيتركب لها Port في نفس العملية..والعيانة ده هتفضل عندك في القسم اسبوعين تلاتة .. وبعدين هتروح وهتيجي بعد كده مثلا كل اسبوع مرة تاخد Chemotherapy.. الاخصائي هيعمل لها جدول الكيماوي وانت كل يوم هتشوف مين اللي هتيجي النهاردة وتطلب لها الدوا وهتجيلك تعلق لها الChemotherapy في البورت وتتابع معاملها.. بصفة عامة الشغل في ال Gyne مرهق عشان كل عيانة حالة لوحدها ومحتاجة تحضير وبوست ،انت اللي لازم تحضرلها كل حاجة قبل وبعد العملية .. يعني مثلا عشان ال staging تطلب لها سونار و MRI و IVPو Bone Scanو coloscopy و تكلم الباثولوجي و تشوف النتايج و لازم كله يتم في معاده.. حتى الباروكة لازم انت اللي تكلم التامين عليها قبل ما تبدا الكيماوي .. بس اصعب حاجة فعلا بالنسبة لي هي التعامل مع العيانين دول .. الالمان بيدوهم facts about very bad prognosis باسلوب مباشر جدا وفي الاخر يقولوا لهم معلش ويقعدوا يطيبوا خاطرهم ويكلموا بتوع النفسية كمان ييجوا يتكلموا معاهم !!!
المهم انت المطلوب منك كعمليات في القسم ده ٢٠٠ عملية صغيرة ( D&C، Hysteroscopy, partholian cyst مثلا) و ١٠٠ عملية كبيرة ( Laparoscopy, vaginal Hysterectomy, TAH BSO, , Laparotomy with adnexa. Prolaps,…المستشفى تبقى كويسة لو فيها كل يوم لستة على الاقل ٢ صغيرين وواحدة كبيرة .. شغلك انت على حسب المكان .. في اماكن كل اللي بيعملوا العمليات النواب .. وفي اماكن النايب بيتعقم بعد ٣ سنين ..
القسم التالت : Breast
هنا ده قسم في النسا مش زي مصر في الجراحة … كل واحدة بتعمل Mamography كل فترة ولو في حاجة بتيجي و بتفحصها ومثلا بنعمل لها سونار او biopsy.. وبرضه لو المستشفى Brustzentrum هيتعمل لها staging وبعدين عملية وبرضه هتيجي تتابع وتاخد كيماوي بعدين .. اصعب حاجة في العيانين دول ان اغلبهم ستات كبيرة ولازم يكونوا رغايييييييييييين جداااااااااا.. غالبا انت الوحيد اللي بيسمع لهم ..
بعد كده ال Emergency Room او ال Notaufnahme .. في النبطشية هيكلموك ان في عيانة جاية بكذا كذا .. هتفحصها وتعمل لها سونار وتقرر .. ٩٠ ٪ منهم بيتدلعوا عشان متخانقين مع صحابهم او psychosomatic.. هتتكلم معاها وتمشيها وتقول لها تتابع مع الدكتور بتاعها .. اللي هتلاقي فيها حاجة هتحجزها وتتعامل معاها على حسب الحالة .. مثلا Hyperemesis, Ectopic , Ruptured cyst, Adenexitis .. كده
كل ده كان فكرة عامة عن التخصص والشغل .. التخصص كبير جدا ..ممتع جدا للي حابه .. حلاوته انه تخصص جراحي بس مش مشرط وخلاص ..بالعكس فيه جزء كبير جدا محتاج تفكير ودماغ حلوة .. عيوبه ال stress الرهيب والارهاق البدني .. كفاية اني اقول لك ان التامين على دكاترة النسا بيبقى ضعف التامين على الدكتور العادي … عشان الغلطة فيه ممكن لا قدر الله تساوي حياة طفل او ضرر دائم للطفل بعد كده .. زي ما قلت التخصص ممتع للي حابه .. بس برضه لماتبقى الساعة ٤ الصبح وانت ما نمتش من ٢٤ ساعة وعندك ٥ بيولدوا وهتفتح قيصرية وجاية لك عيانة Ectopic وبتنزف هتضرب نفسك بالجزمة انك ما اخدتش راديولوجي او ديرما ونمت في بيتكوا زي ولاد الناس ..
لو البوست ده فادك #افتكرني_بدعوة_حلوة
المصدر : Mohamed Ismaeil
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..