ازاي احجز تذكرة الطيران لوحدي؟ و ازاي اعرف ارخص سعر؟

#حجز #الطيران (1)

كتير جدا بنفكر نسافر بس مابنعرفش هاتكلفنا كام السفريه دي و عشان نحدد محتاجين نعرف سعر تذكرة الطيران و الفندق و المصاريف في البلد دي.. هانتكلم عن #تذاكر_الطيران النهارده
ازاي احجز تذكرة الطيران لوحدي؟ و ازاي اعرف ارخص سعر؟

هانتكلم عن موقع اسمه #skyscanner
و هانشرحه بالصور
1- هانفتح الموقع و نكتب اسم البلد اللي عاوزين نسافر منها و هي #مصر مثلا تحت كلمة from

2- هانسيب مكان الدوله اللي هنسافر ليها فاضي تحت كلمة to
3- هنحدد الوقت و هنا اهم ميزه للموقع ده اننا نقدر نعرف امتي #ارخص وقت نسافر فيه هاندوس علي depart

 

هايفتح لنا صفحه تانيه فيها التواريخ احنا هاندوس علي whole month و نختار cheapest month
4- هانرجع للصفحه الاولي تاني و ندوس search flight

 

5- هاتفتح قدامنا صفحه جديده فيها كل الدول من الارخص للاغلي زي صوره رقم 3
هنختار البلد اللي عاوزينها و لتكن تركيا مثلا و مكتوب قدامها ارخص سعر 2262ج
و هكذا لأي دوله تانيه 😉

==========
دلوقتي قدامنا كل بلد و تكلفتها لكن مش عارفين هنسافر من مطار ايه و هانوصل في مطار ايه و يوم ايه بالظبط و ده هانعرفه في الجزء التاني من البوست

#حجز #الطيران (2)
بعد ما طلعلنا كل الدول زي ما قولنا في البوست اللي فات هنعمل ايه؟
1- هنختار البلد "انا اخترت تركيا" هايفتحلنا صفحه فيها كل مدن البلد اللي فيها مطارات
2- هنختار المدينه "انا اخترت اسطنبول" هايفتحلنا صفحه فيها كل مطارات مصر
3- هنختار المطار اللي هنسافر منه "انا اخترت الغردقه" هايفتحلنا صفحه فيها مواعيد الذهاب و هنا يا اما هختار ارخص يوم يا اما يوم محدد ايا كان السعر و هتلاقي الاسعار مكتوبه تحت تاريخ كل يوم و بالوان مختلفه الاخضر لارخص سعر و البرتقالي للسعر المتوسط و الاحمر للغالي
4- هنختار يوم العوده بنفس طريقة يوم الذهاب
5- هاينقلنا الموقع لصفحه فيها الرحله باليوم و الساعه و المطارات و شركة الطيران و كل حاجه
*هنلاقي السعر اختلف و هنا عيب موقع سكاي سكانر بس مش دايما بحصل

عن نفسي بحل الموضوع ده ازاي؟
باخد تفاصيل الرحله و افتح موقع شركة الطيران نفسها ابحث عن نفس الركله بنفس التفاصيل فا بلاقيها بسعرها الارخص و ممكن ارخص كمان و بفتح شوية مواقع او ابليكاشنز تانيه ابحث فيهم زي expidia و kayak مثلا

من الاخر صفحة تفاصيل الرحله هي اخر صفحه بتعامل فيها مع سكاي سكانر الحجز نفسه زي ما قولت من موقع شركة الطيران او اي موقع ارخص زي اللي قولنا عليهم
*اضافه مهمه
سعر تذكرة تركيا دي امبارح و دي فرصه كويسه جدا وسعر قليل كمان

*حته للخبره بقي 😂
ادخل دور من المرصفح الوهمي عشان سكاي سكانر اما بيلاقيك قاعد عليه شويه كتير بيبدأ يعلي الاسعار لانه بيحس انك خلاص هاتشتري فا بيكون عاوز يزود عمولته

كاتب الموضوع 

Mohamed Raafat‎ 

من صفحة اسرار السفر