طريقة استبدال رخص السواقة المصرية ف الامارات الشارقة !

تحويل رخصة القيادة ، المصرية الى السعودية ، الشارقة ، سلطنة عمان ودول خلجية اخرى 

الاطباء اللى بتسأل عن رخصة السواقة فى دبى/ الشارقة:
1- لو اقامتك دبى بتفتح ملف فى اى مدرسة سواقة و بتاخد 40 حصة و بعد كده
بتمتحن 3 امتحانات التكلفة ممكن تعدى ال 6000 /7000 درهم طبقا لعدد الحصص
2- لو معاك رخصة مصرية فات عليها سنتين بتاخد فقط 20 حصة تدريب و بعد كده الامتحانات التكلفة بتكزن فى حدود ال 4800
3- لو معاك رخصة خليجية ( سعودى الخ الخ ) بس جنسيتك مصرى ...مش بتاخد و لا حصة .. و بتقدم ورقك فى مدرسة السواقة و تدخل على الامتحانات علطول امتحان اشارات و امتحان سواقة و التكلفة بتكون فى حدود 2500 درهم و مش بتحتاج عدم ممانعة من الكفيل لانك وظيفتك طبيب
4- لو معاك رخصة خليجية و انت جنسيتك خليجى بتستبدل الرخصة فى 5 دقايق بدوان اى حصص و بدون اى امتحانات
5- لو اقامتك دبى و عاوز تاخد رخصة من الشارقة قدامك حل واحد و هو انك تكون شغال فى مستشفى فى الشارقة تابعة لكفيلك اللى فى دبى و يكون عندك سكن فى الشارقة و يكون معاك عدك ممانعة من الكفيل. و تروح للظابط اللى فى مرور الشارقة توضحله الامر و هو يمضيلك عدم ممانعة من فتح ملف.
6- طيب لو انت معاك رخصة خليجى و جنسيتك مصرى و عاوز تطلع الرخصة من الشارقة التكلفة هتكون كالأتى : اولا مفيش حصص تعليم --- ثانياً : 50 درهم طباعة اوراق- 120 فتح ملف-- 500 لتحديد موعد اختبار الاشارات 200 لتحديد موعد امتحان السواقة-- 535 لاصدار الرخصة بعد النجاح... و دى ارخص حاجة على الاطلاق...

من / Omar Eissa Habo