دى مجموعة من الأسئلة الى كنت بسألها للبنت قبل الخطوبة

دى مجموعة من الأسئلة الى كنت بسألها للبنت قبل الخطوبة عشان اعرف هى تنفع تبقى خطيبتى والا لا :D ... طبعا مش كل البنات كنت بسألهم كل الأسئلة :D
1 - انتى سعيدة فى حياتك ؟ .... "مؤشر للحالة النفسية وطريقة تعبيرها عن الذات"
2 - نفسك تحققى ايه فى حياتك ؟ ... "رؤيتها للمستقبل - طموحها ايه - شايفة الدنيا ازاى"

3 - كنتى مرتبطة قبل كده ؟ ... "تاثير التجارب السابقة عليها بيبقى واضح من رد فعلها"
4 - اتخرجتى سنة كام ؟ .... "منتبهة لسنين عمرها وبتحسب حساب الوقت والا لا"
5 - دخلتى تخصصك برغبتك والا لا ؟ ... "حياتها نتيجة قرارات خاصة ولا نتيجة القدر"
6 - ايه موقعك بين اخواتك الكبيرة والا الصغيرة والا فى النص ؟ ... "الترتيب بيفرق"
7 - حابة تسافرى بره مصر والا نفسك تكملى فيها ؟ ... "الرغبة فى الانطلاق وايضا حب الوطن"
8 - ايه مدى تحملك اننا نختلف فى الراى وفى الاخر اخد قرار عكس رغبتك ؟ ... "الطاعة"
9 - حافظة كام جزء من القران ؟
10- الورد اليومى بتاعك من القرأن كام صفحة ؟
11- اكثر عدد من الاجزاء من القران للقراءة فى يوم واحد ؟
12- مين اقرب حد ليكى فى الاسرة بابا والا ماما والا حد من اخواتك ؟
13- مين اقرب اصحاب بنات ليكى فى الكلية وهل بتتواصلوا بعد الكلية ؟
14 - هل اقرب اصحاب بنات ليكى متجوزين والا لا ؟
15 - هل ليكى اصحاب شباب فترة الكلية ؟ او زملاء عمل ؟
16 - هل زملاء العمل معاهم رقم موبايلك ؟
17 - هل المكان بتاع شغلك فيه اختلاط والا لا ؟
18 - هل فى الشغل ممكن تبقى لوحدك مع شباب ومفيش بنت غيرك ؟
19 - لو ليكى فلوس فى البنك بتقبلى الفائدة بتاعتها والا لا ؟ ورايك هى حلال والا لا ؟
20 - فى رايك ازاى تقدرى تفيدى الناس اكثر بالعلم والا بالفلوس ؟
21 - امتى الفلوس تبقى اهم من العلم وامتى العلم يبقى اهم من الفلوس ؟
22 - ايه هواياتك الى بتحبيها ؟
23 - ايه اكثر حاجة انتى موهوبة فيها ؟
24 - هل من خطتك تبقى مستقلة ماديا عن شريك حياتك والا لا ؟
25 - ازاى تقدرى تحققى التوازن بين الشغل والبيت ؟
26 - ايه اكثر الاماكن الى بتحبى تروحيها ؟
27 - ايه البلاد الى انتى سافرتى ليها ؟
28 - ايه اكثر الكتب المؤثرة فى حياتك ؟
29 - بتسمعى اغانى ؟ ... بتحبى تسمعى لمين ؟
30 - مين اكثر الاصوات بتحبيها فى القران ؟
31 - مين من علماء المسلمين بتحبى تسمعيله ؟
32 - ليكى فى السياسة ؟
33 - ايه رايك فى الاحداث الى مرت بيها مصر السنين الاخيرة ؟
34 - ايه اكثر مشكلة قابلتك فى حياتك وحلتيها ازاى ؟
35 - ايه اصعب يوم فى حياتك ؟
36 - ايه اجمل يوم فى حياتك ؟
37 - قوليلى 5 احلام نفسك تحقيقهم فى حياتك ومهم احققهم معاكى مش لوحدك ؟
38 - امتى العلاقات بتنجح وامتى بتنتهى ؟
39 - ايه مواصفات فتى أحلامك ؟
40 - بتعرفى تطبخى ؟
41 - بتعرفى تعملى محشى ؟
42 - بتعرفى تعملى بسكوت وقرص ؟
43 - بتساعدى ماما فى أكل البيت والا هى الى بتطبخ ؟
44 - بتحبى المطبخ اصلا والا عشان كل البنات تقريبا بتتعلم ؟
45 - بتحبى الاطفال وتحبى تلعبى معاهم ؟
46 - فى الاطفال بتحبى الاولاد اكثر والا البنات ؟
47 - بتلبسى بناطيل ؟
48 - بتحطى مكياج ؟
49 - بتاخدى قراراتك على اساس الحلال والحرام والا حسب المجتمع ؟
50 - بتحبى تبقى مميزة فى مظهرك ولبسك وتلفتى الانظار والا تلبسى لبس عادى ؟
51 - بتحبى تخرجى كثير والا بتحبى القعدة فى البيت اكثر ؟
52 - عندك اصدقاء فى حسابك على الفيس بوك ؟
53 - لو قلتلك هاتى كلمة السر لحسابك على الفيس بوك هتوافقى ؟
54 - ليكى كام حساب على الفيس بوك ؟
55 - عندك كام حد عملتيله بلوك وليه ؟
56 - لو كنت بعتلك اضافة قبل ما اتقدملك هتقبليها والا لا ؟
57 - ايه اكثر الاسماء الى بتحبيها فى الاولاد والبنات ؟
58 - بتتفرجى على برامج تليفزيون وبتحبى تتابعى الاخبار ؟
59 - بتحبى الشعر ؟
60 - انتى رومانسية اكثر والا عقلانية اكثر ؟
بس كده :D

ههههه دا واحد ناشرها