أول ما بتدخل الريحة بتبقي قاتلة ، وبعد شوية الموضوع بيتحسن ، وبعد شوية كمان مش بتبقي حاسس إن في ريحة أصلا ..
ولو رحت لحد من البياعين وقلت :
" إيه ياعم الريحة الرهيبة دي ؟! "
هيقولك : ريحة إيه ؟ إنت بتتكلم ف إيه ؟ واستحالة يفهمك .
الطريقة الوحيدة اللي تفهمه المأساة اللي هو عايشها إنك تاخده من سوق السمك توديه محل ورد .. ولما يرجع سوق السمك تاني هيقول :
"هو أنا كنت عايش كدة إزاي ؟! "
نفس القصة .. لو عايش طول عمرك بتعمل حرام وأصحابك مش صالحين .. مش هتحس بالمشكلة أصلا.
مش هتعرف مرارة المعصية والصحبة السيئة إلا لما تدوق حلاوة الطاعة والصحبة الصالحة وتقول وقتها :
"هو أنا كنت عايش كدة إزاي ؟!"
#رمضان_غيرني
بقلم Mohamed Aboali
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..