نصائح للقادمين من مصر الى السعودية

نصائح للقادمين من مصر الى السعودية : 
1- اعمل حساب فى مصر ويكون بالدولار عشان تحول عليه ... او لو هتعمل حوالات شخصية تكون بالدولار بردك احسن من الجنيه 

2- طلع رخصة مصرية واتعلم السواقة فى مصر لو مبتعرفش تسوق ... عشان متدخلش مدرسة هنا وتتبهدل 
3- لو متجوز جهز جوازات مراتك وعيالك وجهز ورقك وهاته معاك افضل ده عشان الاستقدام 

( شهاده التخرج ---- توثيق خارجية وقنصليه وملحق ثقافي )
(قسيمة جواز .... خارجية وقنصليه )
(شهادات ميلاد الاولاد ..... خارجيه وقنصليه )
4- اتعلم الطبخ فى مصر جنب مراتك بدل ماتحتا س هنا فى الرياض او السعودية كلها 
5- هات لبس صيفي وشتوي ويا حبذا الكلاسين طبعا 
6- نصيحة للي بيحسبها او تسمع غيرك ان الراتب قليل او مش كويس ....ممكن تكون اللى بتاخده افضل بعد التوفير من اللى بتاخده فى مصر ..... وتاني كل واحد ادري بظروفه 
7- هنا اوقات الفراغ كتير اوي حاول تستثمر وقتك اتعلم حاجة جديدة او اشتغل حاجة بتحبها وبلاش نوم كتير 
8- احفظ الله يحقظك 
9- متنساش رضا الاب والام عليك ... دايما اتصل بيهم واطمن عليهم وخليهم يدعولك دايما 
10- خليك مع صحبة طيبة تعينك وتاخد بايدك فى الغربة ..
وأخيرا .... متخليش الفلوس تغنيك عن اخرتك حافظ على نفسك وصلواتك وراعي ربنا فى مالك واهلك وربنا يبارك باذن الله
‫#‏خد_فكرة‬ عن ‫#‏الرياض‬