نصائح هامة للاطباء المصريين الراغبين في السفر والعمل والتعليم في بريطانيا

وهذه رسالته اليكم ...

بعد متابعتي للحوارات الموجودة علي الجروب, قدرت استخلص ان النقطة المحورية اللي الكل عايز يجاوبها هي السفر مفيد قد ايه ؟ و ازاي؟
بالرغم من ان التفكير ده مغري جدا الاستطراد فيه الا انا ليا تعليق بسيط:


من 17 سنة و انا في سنة ثالثة عرض عليا مجموعة من اعز أصدقائي وزملائي اننا نروح لمحاضرة تعريفية للمعادلة الامريكية و انا بتفكيري الضيق ايامها رديت و قلتلهم بس انا مش عايز اسافر وافض اشتغل في مستشفى المبرة بصفتها اقرب مستشفى لسكني بعد التخرج !!! و معظمهم بدأ في امتحانات المعادلة. وبعد سنين طويلة و مرور السنين كلهم اصبحوا (ما شاء الله) في مراكز رفيعة و حققوا كل امالهم لكن تبقي المفارقة انني اللي اسكن في ابعد بقعة عن بيتي القديم في مصر. كلنا خططنا ولكن الله (سبحانه و تعالى) هو الذي يقدر المقادير.
باختصار:
مش لازم يكون عندنا خطة كلية. مش لازم يكون عندنا خطة تفصيلية للعشر سنين الجاية في حياتنا. مش لازم نعرف كل التفاصيل و زي ما ترسى دقلها. ده بأفتراض اننا ناس حريصين علي الحد الادني للحفاظ علي مستقبلنا.
الكلام ده من واحد كان بيدي محاضرات عن السفر في كذا جامعة مصرية.
المقصود من الكلام انك متحملش نفسك ما لا تحتمل. وحط في اعتبارك المعلومات الاساسية الاتية:
1) دراسة الطب مهمة جدا و بمجرد التخرج لازم تتطمن انك دلوقتي معاك شهادة قوية. وان كان لازم تعرف انها اول الطريق. بمعني انها بتؤهلك للطرق اللي بعد كده.
2) الدول الأجنبية (أوروبا و أمريكا و استراليا) مش دول كلها موبقات. بالعكس, هنا الإسلام منتشر بطريقة كبيرة. و حتتفاجئ ان في جالية اجنبية من سكان البلد الأصليين!! والرك علي اختيارك البيئة المحيطة علي قدر الإمكان.
3) اختيارين : الخليج=فلوس مقابل أوروبا=تدريب مش دايما صحيح و الأمثلة اكثر من احصائها.
4) مجرد تجريد الحياة بكل تفاصيلها لاختيارين او تلاتة فيه ظلم كبير لقدراتك الشخصية: متنساش اننا نفس الأشخاص اللي بيأنتخو في الخليج و ميمتحنوش أي شهادات عليا و احنا نفس الأشخاص اللي بنتعامل مع أوروبا انها جنسية فقط. احنا المسئولين عن اختياراتنا و لازم نعمل اللي يريحنا ultimately
5) متظبش المنبه ابدر من اللازم (rebound effect) الطموح مهم لكن الناجحين هم اشخاص عرفوا قدراتهم الحقيقية. لو حملت نفسك اكثر من تحملها. لن تصل للمراد او ستصل وانت محمل بكل امراض الدنيا.
6) اعمل حسابك ان ال 35 -40 سنة احتمال يكون اخر قدراتك العقلية وحاول تخلص اغلب امتحاناتك التنافسية قبل السن ده.
7) الفلوس مهمة!!! متصدقش اللي يقولك انا حاسس اني atm ومش حاسس بطعم الفلوس. الفلوس نعمة وامتحان ولازم نشكر ربنا علي نعمه.
8) لو ربنا كرمك بالاثنين دول :الفلوس اللي تصرف علي امتحانات و الزوجة اللي تتحمل معاك. يبقي دانت لك الدنيا.
9) مفيش حد مرتاح و متاخدش باي نصيحة انها تناسبك و ده ينطبق علي السطور اللي فاتت.

ربنا يوفقكم.....


نصيحة الدكتور محمد سعيد مدرس امراض الباطنة كلية الطب جامعة الزقازيق والمقيم فى بريطانيا منذ سبع سنوات للشباب هنا ...

اقرءوها جيدا يا شباب . فيها خلاصة التجربة الخبرة ..

شكرا دكتور محمد منور الجروب Mohamed Soliman

إرسال تعليق

0 تعليقات