ليش عم تنرفض الفيز للسوريين في الامارات ؟؟؟

ممتاز بس هو ليش عم تنرفض الفيز للسوريين؟؟؟ وهل الإمارات مسكرة فعلاً الفيز على السوريين .. لح خبركم
اهم أسباب رفض طلبات بعض طلبات الإقامة والفيز للسورين واغلبها امور عامة تنتطبق على كل الجنسيات ومو شي خاص فينا ومنها:

1. عدم تناسب الشهادة مع المسمى الوظيفي.
2. راتب اعلى من المعقول. (شركة فيها 3 موظفين جايبة مسؤول صيانة كمبيوتر وحاطين الراتب أعلى من لو بدو يشتغل بمايكروسوفت – مبينة الخرطة مو ؟؟؟)
3. سوء السيرة سابقاً .

4. اكتفاء الدولة من عدد الإصدارات اليومية من الفيز بشكل عام للكميه العامة من كل العالم أو بشكل خاص العدد اليومي للإخوان العرب أو السوريين .
(هادا الحكي من زمان عم نحكيه هون بدوبارة , يعني مثلاً إذا السوريين مسموح أنو يحصلوا على 500 إقامة بالشهر , يلي عم يقدموا هنن 10.000 شو لح يصير , لح ينقبل 500 وينرفض الباقي, بس الناس بتشوف أنو الكل انرفض )
5. اكتشاف أن الوثائق الشخصية مزورة واغلبها مجدده في تركيا. (يا جماعة بعدوا عن هالحكي لأنو عم يضر كل السوريين)
6. تقديم وثائق مزورة, مثل عقد الإيجار وغيره.
7. عدم قدرة تحمل الراغب باستقدام الأهل أو الأصدقاء للإنفاق. (واحد راتبه 7000 وبدو يجيب كل العيلة, ما بيمشي الحال أخي)
8. سوء سيرة الشركات المقدمة, أو وضع مسمى غير مطلوب توفره ببعض الشركات (مدير شؤون الموظفين , بشركة مافيها إلا مدير وسكرتيرة)
9- الاشتباه بان الطلب عباره عن إقامة مباعة وليست للعمل .

طيب شو اسباب رفض وأغلاق الفيز السياحية حالياً :
1. اكتمال عدد الفيز المسموح تقديمها لكل شركة ومعظم الشركات وصلت لهالرقم.
2. ارتفاع عدد المخالفين , وإيقاف استخراج الفيز من الشركات إلى حين تعديل أوضاع المخالفين أو تقديم بلاغ هروب بحقهم ويتطلب وقت طويل . (قديش صار في مخالفين سوريين بالبلد ولسا العالم عم تسأل طيب ليش ماعم يسمحولنا نجي ؟؟)

طيب إذا حابب تستفسر عن أي رقم بخص هالمواضيع , جبتلكم أرقام تلفون مهمة ممكن تتصلوا عليها وتسألو يلي بدكم يا:
أولا : الاستفسار عن استخراج الفيز و إقامات الأقارب وتعديل الوضع :
الرقم المجاني العام داخل الدولة : 8005111
رقم الاستفسار من خارج الدولة : 0097143139999
تقديم شكوى أو تظلم : http://fms.ae/


المصدر : فيسبوك