ردود أفعال حول حالات التحرش واللبس الخارج في الجامعات المصرية ..؟؟!

رصدنا في تغطية مباشر عبر الفيدوهات المنتشرة والردو عليها هذه الكلمات .. 

أنا مصرية تقول : هى لبسها مقرف ومش مناسب لجامعه بس فى النهايه هى حره تلبس الى هى عاوزاه
لو عاوز تمنع اللبس المثير للبنات بحجه الحفاظ على الامن يبقى كمان تمنع النقاب لانه بردو خطر على الامن

سؤال لرئيس الجامعه لو وفد اجنبى دخل الجامعه لاى سبب وكان فى ست لابسه ميكرو جيب كنت هتسيب الطلبه يتحرشو بيها ولا كان الامن وانت شخصيا هتنزل تحميها؟
وعلى فكره بنات كتير قوى بتبقى لابسه كده فى الجامعه بس الفرق انهم بيزودو على اللبس ده طرحه على شعرهم كده بقى يبقو محترمين ومش لابسين لبس ملفت 

وشوقي يضيف :

لبسها عادي، مش لابسه بدلة رقص زي ماهو واضح يعني عشان تقولي لبسها مقرف.لابسه بلوزة وبنطلون.ايه الاوفر في كده؟ مافيش بلد بتتدخل في لبس الستات وتعلق عليه  الا البلد المتخلفة اللي اسمها مصر، مجتمع غبي.وافراده حشرات ، خللي السلفيين والاخوان اللي خربوا دماغكم على مدى 40 سنة  ينفعوكو  بعد ما بقيتو زبالة الامم.

 

المشكلة إجتماعية بالإضافة إلى أن الجهات الأمنية مسئولة عن جزء كبير منها ..
الشق الإجتماعي هو ضعف الوازع الديني و جزء كبير منه متمثل في إهمال مادة التربية الدينية في المدارس و إنعدام وجودها في الجامعات .. ثم ضعف الوعي الثقافي اللي اعقبه إنحطاط أخلاقي و الدولة برضه مسئولة عن جزء كبير منه .. الدولة اللي أهملت دور قصور الثقافة و المكتبات و أهملت الدور التثقيفي لتليفزيون الدولة و أجازت عرض الأفلام الهابطة  اللي أبطالها هم بلطجي و راقصة .. و السؤال : جيل اتربى على أفلام ابراهيم الأبيض و عبده موتة و القشاش و شاف فيفي عبده بتاخد جايزة الأم المثالية عايزينه يطلع إيه ؟؟ طيار ؟؟

 

وآخر يضيف

 

طبيعى انه يكون فى تحرش
بلد معفنة وناس معفنة وشعب معفن والعالم كله بيضحك علينا
اذا كان النخبة فى البلد من حكومة لوزراء لرئيس طرطور لواحد سيس اسمه السيسى شعارهم قلة الادب والغباء
يبقى الشعب هيبقى شعاره ايه ؟؟  

ومصري يقول :

هيا مش عريانه يعنى ولا لابسه بدلة رقص .. الراقصات بيبقوا فى الافراح و الكباريهات و بيبقى الناس سكرانين ومحدش بيفكر يقربلهم . لأن اللى بيفكر بس يقربلهم عارف ان فى بودى جاردات هيقطعو ايديه . لكن هيا علشان فى جامعه وسخه و الامن بتاع الجامعه امن خصوصى بالأجرة ملوش اى لازمه الطلاب حاسين ان محدش هيقدر يمنعهم او يعاقبهم . الشرطه لازم تأمن الجامعات تانى . البنات زمان كانت بتروح الجامعه لابسين جيبه او نص كم ومكنش حد بيقدر يقربلهم و بعدين هيا العبايه بقيت ملابس لائقه للجامعه دى على اساس انها رايحه تبيع فجل فى سوق الخضار ؟!!

 

وعقب ادم قائلا : حتى لو البنت ماشية ملط ..
اللحمة العريانه ماينهشهاش الا الكلاب ..
لازم حرس الجامعه يرجع ولازم يتحقق مع العيال دى ومع البنت نفسها ..
مهما كان بردو الدراسه ليها احترامها
وده مش لبس دراسه .. 

 

 

ماذا ترون انتم ؟؟!