شاهد فيديو يوتيوب قصيدة قلبي ميدان عبد السلام السباعي+الكلمات

كلمات مكتوبة جديد قلبي ميدان | عبدالسلام السباعي |

قلبي ميدان
الظلم مرة بيتسأل :
في بلادي ليه حاجز مكان؟
رد قال: من غير زعل ؛
جواها حاسس بالأمان
إيه اللي خلاكي كدة
فالظلم يختارك مكان؟

ليه كدة دا أنا ثورتك
وقلبي ليكي كان ميدان
ودمعي كان ميِّة وضؤك
والآهه كانتلك أدان
ليه كدة دا أنا عِـزوِتِك
وأنا اللي ليـَّا في ذمتك
أسماء وهالة وقبلهم
سيد بلال، خالد سعيد
والشيخ عماد علم وإيمان
وأنا اللي مرمي في حبسهم
و أنا مش مُدان
إلا لأني مبعتكيش
ولا قلت تسلم للِّي خان
ولاَّ عشان
عارفاني طيب من زمان
بآخد الطريحة ولا أشتكيش
ولا قلب يسخط أو لسان
وعارفاني بأنسى عشان عنيكي
كل حاجة ،
مهما بتكون السخافة
ومهما بتكون الفجاجة
خروف وماله ،قاتل عياله
بايع بلاده للخواجة
مش مهم أي حاجة
ومش مهم كل حاجة
بس قِرِّي
إن قلبي هوه نيلك
دمه عايش فيكي يجري
وإن أنا المهموم بحالك
ذنبي يعني إني بِكري؟
طب قبل دقني
قبل يعني ما ينادوني
يا واد يا سنى
مش ياما غنيتلك معاهم
مصر أمي
نيلها دمي
ودا سماري
ودي ملامحي
لو دقني ذنب ،؟
يا ستي سامحي
فوقي واصحي
ما تسكتيش أنا كلمتك
إياكي ظلم يسكتك
ومكملين لو كل يوم
من دمي ياخدوا حنتك
يلا يا مصر الوقت حان
قيمي الصلاة ،املي الميدان
الأمل جايلك معانا
ما تحضنيش أبدا جبان
اغضبي غضبك دا ذكر
طعنة تقضي ع الشيطان
مي ده اللي ياخدك يا حبيبتي
لاجل شافك في المنام؟
هوه فاكرك إيه سعادته
ساعة أو سيف أو حزام؟
يا خلق فوقوا ، بقا ده كلام؟
يا خلق فوقوا ، بقا ده كلام؟

Rwae3Media‬‎

إرسال تعليق

0 تعليقات