بالصور شرح طريقة تحضير ملاوي تونسية ومغربية
نصف كيلو سميد ارطب
نصف كيلو فارينة
ملعقة صغيرة ملح
زيت
زبدة
ربع كيس خميرة
ماء دافئ
طريقة التحضير:
في صحفة كبيرة نخلّطو السّميد و الفارينة و الملح ; نصبّو فوقها مقدار من الماء الدافئ الّي نكونو ذوّبنا فيه سابقا الخميرة
ثم نعجنو جيدا حتى نتحصلو على عجينة , كيما عجينة الخبز
لكن أطرى شويّة , المهم ما تلصقش في اليد.
من جهة اخرى نذوّبو الزبدة قدر 50 غ و نخلّطوها بكاسين زيت
نحطّو العجينة في كيس ترتاح مدة 10
بعد نقسموها كويرات في كبر البيضة والا اكبر شوية ..
و ندهنوها بالخليط : زبدة و زيت ونحطوهم في طبق
بعد ناخذو أول وحدة كمّلناها
تدهن يديك بالخليط و تبدا تحل فيها فوق الرخامة ( رخام دكّانة الكوجينه)
سايس بالشوّيا على الورقة (ورقة العجين) باش ما تتقطّعش
نبدأ نطوي الجوانب طبعا مع الدّهن بالزيت والزبدة كل شوّيا
نكمّلو الكلّ
بعد نحطّو طبق الملاوي , و نسخّنوه على القاز ( البوتاقاز يعني )
ونبدو نطيّبوه ( نبدوا الطبخ)
بعد شويّا نقلبوها على الجهة الاخرى
(
و تنجّم زادا , اذا ماعندكش الطبق الخاص بالملاوي والخبز , تطّيّبها حتى
في قلاّيه ( قلاّيه عاديّه : مقلاة ) أما تدهنها قبل بالزيت
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..