كلمات الاغنية:
فش مصاري ولما فش مصاري يعني
يعني مافي بيت مرتب ولا سيارة ولا في مكتب ولا في نادي ولا في ملعب العالم كلو بيطور واحنا بنحلم في المرتب
حاسس انو الناس بكوكب واحنا بكوكب
والوضع ماكل هوى
فش امان
ولما فش أمان بيبقى
ما في طشة ولا في طلعة واوعك تتاخر بالرجعة وانسا الجبل وانسى النبعة المستوطن ساكن في الطلعة واوعا تحب بلادك اوعا يمكن بكرة تطلع سمعة انك وطني ورح تستدعى وساعتها بتوكل هوى
...
فش ثقافة
ولما فش ثقافة يعني
قصة طالب حامل شنتة عقلو ابيض مثل البحتة بوصل ع التوجيهي فلتة .. وبتفركش من اول دعسة .. اول جلسة وثاني جلسة .. بيظلش في راسو لحسة .. والمصيبة بنجح هالطالب .. وبيروح الجامعة يشاغب.. بدو يتزعرن ويصاحب وحط البحتة بجيب الشنتة واستنى الطالب ع الدعسة اول جلسة وثاني جلسة
الخريج بيتخرج عكسي بفهمش الخمسة من الطمسة والوضع ماكل هوى
فش نظافة
ولما فش نظافة يعني
ارمي الكولا من السيارة واكتب على حيطان الحارة واطفي بالبوت السيجارة واحرق ورق وطلع دخنة واخنق جيرانك شو يعني وعلى حمام المطعم خربش شو بطلع تحت ايدك طبش يمكن بعديها تتحسن وتصير مزهزه ومفرفش .. الوضع لوث الهوى
فش نظام
ولما فش نظام بيبقى
اقرا بصفحة الحوادث .. بطلنا نلحق كوارث.. موت بحادث سرعة بتلقى .. وموت بتهمة شرف بتلقى .. وموت بطوشة وموت بسرقة ..
يا ازعر موسك بتكلم .. خلي الي ما بيفهم بفهم .. حط عجال وسكر شارع .. مين ال زيك طول فارع ..
لا في شارع عنا زابط .. ولا قانون وكلمة ضابط .. لو واحد يغلطلطلو غلطة .. بنبلش في بعضنا نخابط ..
والوضع ماكل هوى
فش عدالة
ولما فش عدالةيعني
ابو الشيكل بسوى شيكل وابو المية بيسوى مية والفقير متعتس حالو .. والموظف زهق عيالو .. وزهق الفلاح من عقالو .. والعامل حامل زوادة .. بيصحى قبل الديك ينادي وبيصبح واقف ع المعبر .. في الحشرة قلبو بيتمرمر ..ومرات بيسرح ع الفاضي وبحكولو المخصوم مسكر .. الله يعينك يا فلسطيني .. هم وغم وحظ معثر
والوضع ماكل هوى
...
خلوني أقول الي فْ بالي
ولي فْ بالي من هالحاله
كيف بلادي بنرجعها ..
لما الارحام بنقطعها .. والكراهية بنزرعها .. والورثة لما بنوزعها .. وعن الولايا بنقطعها .. ولما المحبة بنمنعها .. والوسايط بنشجعها
والروابط بنقطعها ..
ان ظلينا على هالحالة
بلادي وكل القيم ال فيها
شوية شوية بنضيعها
وعنجد بنوكل هوى
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..